रविको सांसद पद खारेज भएपछि आफूलाई सांसद बनाउन कांग्रेस नेता उमेश श्रेष्ठ निर्वाचन आयोग जाँदै
रविको सांसद पद खारेज भएपछि आफूलाई सांसद बनाउन कांग्रेस नेता उमेश श्रेष्ठ निर्वाचन आयोग जाँदै
काठमाडौं– चितवन २ मा उपनिर्वाचन नगरी आफूलाई सांसद बनाउन माग गर्दै नेपाली कांग्रेसका नेता उमेश श्रेष्ठले निर्वाचन आयोगमा निवेदन दिने भएका छन् । श्रेष्ठले निर्वाचनमा दोस्रो मत पाएकाले उपनिर्वाचनको साटो आफूलाई सांसद बनाउन आइतबार बिहान साढे ११ बजे आयोगमा निवेदन दिन लागेका हुन् ।
नागरिकता विवादमा सर्वोच्च अदालतले राष्ट्रिय स्वतन्त्र पार्टीका सभापति रवि लमिछानेको सांसद पद खारेज गरेपछि चितवन २ जनप्रतिनिधिविहीन बनेको छ । संसद्ले चितवन २ मा सांसद पद रिक्त भएको आयोगलाई जानकारी गराइसकेको छ । आयोगले चितवन २ मा उपनिर्वाचनको तयारी थालेको छ ।
तर कांग्रेस उम्मेदवार श्रेष्ठले उपनिर्वाचन गराउँदा राज्यलाई करोडौंको व्ययभार पर्ने भन्दै आफूलाई सांसद बनाउन माग गरेका हुन् । आयोगमा निवेदन दिइसकेपछि श्रेष्ठले आइतबार दिउँसो २ बजे हिमालय होटेल पुल्चोकमा पत्रकार सम्मेलन गर्न लागेका छन् ।
चितवन २ मा लामिछाने ४९ हजार मत ल्याएर विजयी भएका थिए । कांग्रेसका श्रेष्ठले साढे १४ हजार मत पाएका थिए । रवि उपनिर्वाचनमा फेरि उम्मेदवार बन्ने तयारीमा लागेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४