काठमाडौं - सर्जन चिकित्सकसमेत रहेकी स्वास्थ्य राज्यमन्त्री डा.तोसिमा कार्की अस्पतालको आइसियुमा उपचाररता विरामीलाई भेट्न पुगेर स्वास्थ्य प्रोटोकल मिचेको आरोपमा विवादमा तानिएकी छन् ।

आफूमाथि कीर्तिपुर अस्पताल र मेडिकल काउन्सिलले समेत छानबिन गरिरहेको थाहा पाएपछि कार्कीले सामाजिक सञ्जालमार्फत लामो स्टाटस लेखेर प्रस्टीकरण दिएकी छन् ।

संसद् भवनअघि सडकमा आफ्नो शरीरमा पेट्रोल खन्याएर आगो लगाई आत्मदाहको प्रयास गरेका इलामका प्रेमप्रसाद आचार्यको कीर्तिपुर बर्न अस्पतालमा उपचार हुँदै थियो ।

एक्कासि अस्पताल पुगेर आईसीयुमा उपचार गराइरहेका आचार्यलाई भेट्दै कार्कीले आफ्नो नामसमेत किन फेसबुकमा लेखेको भन्दै झपारेकी थिइन् । उनले त्यसो भनेको भिडियो तुरुन्तै सामाजिक सञ्जालमा भाइरल बन्यो । भिडियोमा कार्कीले ग्लोभ्ससमेत नलगाएको देखिन्छ ।

चिकित्सकसमेत रहेकी कार्कीले स्वास्थ्य प्रोटोकल मिच्दै आईसीयुमा उपचाररत जलनका घाइते विरामीलाई भेटेपछि उनको चौतर्फी आलोचना भइरहेको छ । घटनाको तीन दिन बितिसक्दासमेत कार्कीले उचित जवाफ दिन सकेकी थिइन् ।

तर शुक्रबार बिहान उनले लामो स्टाटस लेख्दै आफूले स्वास्थ्य प्रोटोकल नमिचेको, यदि गल्ती भएको भए सच्याउन तयार रहेको बताएकी छन् । ‘खबर सुन्नेबित्तिकै हतार हतार म र मेरो स्वकीय मात्र गएका थियौँ । हामी अस्पतालको गेटमा पुग्दा नै त्याहाँ उपस्थितहरुले ओहो राज्यमन्त्री आउनुभयो भन्दै हामीलाई माथी आईसियुसम्म पुर्याउन आउनुभयो्र । ड्युटीको डाक्टर भने आईसियुको ढोकासम्म मलाई लिन आउनुभएको थियो ।

अहिले सबैको हातहातमा मोबाइल भएको अवस्थामा तत्पश्चात त्यहाँभित्र को कसलाई छिर्न दिइयो ? को को छिर्यो ? को छिरेन को बिरामी ? को अभिभावक ? को मिडिया थियो ? हामीलाई थाहा पनि भएन र कसले कहाँ कसरी किन कहाँबाट भिडियो खिच्यो ? त्यसबारेमा हामी जानकार पनि छैनौं ।

यदि मिडियाबाजी नै गर्नु थियो त त्यहाँ अन्य भिजिटरहरुले मास्क नलाउनुभएको अवस्थामा म आफू पनि मास्क खोलेरै चिनिएरै फोटो खिचाउँथे होला,’ उनले लेखेकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

माओवादीका पम्फा र ओनसरीलाई तोसिमा र सोविताले लगाइदिए पाखा

तोसिमा कार्कीले मलामी जाँदा देखाउन नसकेको सोमत

तोसिमा कार्की स्टन्टबाज गर्न माहिर सांसद