काठमाडौं - नयाँ सरकार गठनको प्रयास भइरहेका बेला एक्कासि बाहिरबाट राष्ट्रपति ल्याउने चलखेल सुरु भएको छ ।

यसअघि प्रधानन्यायाधीशकै पदमा रहेर मन्त्रिपरिषद्को अध्यक्ष बनेका खिलराज रेग्मी राष्ट्रपति बन्ने खेलमा लागेका छन् । विभिन्न शक्तिकेन्द्रमार्फत उनी राष्ट्रपति बन्न लागेको खबर बाहिरिएपछि नेपालको राजनीतिमा सनसनी मच्चिएको छ ।

रेग्मी यस्ता पात्र हुन् जसकै कारण नेपालको न्यायपालिकाले गम्भीर क्षति बेहोरेको थियो । कार्यपालिका र न्यायपालिकाको प्रमुख एकै व्यक्ति भएका बेला रेग्मीले न्यायपालिका तहसनहस पारेका थिए ।

आफू मन्त्रिपरिषद्को अध्यक्ष बन्ने लोभमा उनले संविधानसभा नै भंग गरिदिएका थिए । उनकै नेतृत्वको सरकारले गराएको दोस्रो संविधानसभापछि ठूलो दल बन्दै नेपाली कांग्रेसको सरकारले नयाँ संविधान जारी गरेको थियो ।

अहिले कुनै पनि दलले स्पष्ट बहुमत नल्याएपछि धमिलो पानीमा माछा मार्ने खेलमा रेग्मी लागेका छन् । यही सन्दर्भमा रेग्मीले मंगलबार साँझ बालुवाटारमा प्रधानमन्त्री शेरबहादुर देउवासँग संवाद गरेको खुलेको छ ।

प्रधानमन्त्री देउवाले नै बोलाएर रेग्मी गएको हो वा रेग्मीले कुनै शक्तिकेन्द्रमार्फत राष्ट्रपति बन्न प्रधानमन्त्री देउवालाई दबाब दिएको हो त्यो भने खुल्न सकेको छैन । तर, स्रोतले भने रेग्मी राष्ट्रपति बन्ने कसरतअनुरुप नै बालुवाटार पुगेको पुष्टि गरेको छ ।

यतिबेला प्रधानमन्त्री देउवा नयाँ राष्ट्रपति कसलाई बनाउने भन्ने छलफलमा जुटेका छन् । त्यसका लागि बालुवाटारमा विभिन्न क्षेत्रका व्यक्तिहरूसँग उनले परामर्श गरिरहेको बताइन्छ । राष्ट्रपतिका लागि नेपाली कांग्रेसका नेता रामचन्द्र पौडेल, पूर्वप्रधानमन्त्री माधवकुमार नेपाल, डा.बाबुराम भट्टराई, नन्दबहादुर पुनलगायतको चर्चा छ ।

तर, पछिल्लो समय प्रधानमन्त्री देउवा न्यायपालिका वा स्वतन्त्र व्यक्तिलाई राष्ट्रपति बनाउने खेलमा लागेको खुलेपछि नेपाली कांग्रेसमा असन्तुष्टि बढेको छ । कांग्रेस मात्र होइन, माओवादी, एकीकृत समाजवादी, लोसपालगायतका दलले पनि असन्तष्टि जनाइरहेको बुझिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

 राष्ट्रपति भण्डारीले ट्विटरबाट दिइन् यस्तो सन्देस

पूर्व एमाले निकट पत्रकारसंग रास्ट्रपतिको भलाकुसारी 

दुई सल्लाहकारले छोडे राष्ट्रपति भण्डारीको साथ, के हो कारण?

मुखर्जीको निधनमा राष्ट्रपति भण्डारीले गरिन् यस्तो शोक व्यक्त

राष्ट्रपतिद्वारा २८९ कैदीबन्दीको कैद माफीमिनाहा

राष्ट्रपति र प्रधानमन्त्रीद्वारा शोक प्रकट