काठमाडौं - राष्ट्रपति विद्यादेवी भण्डारीले पुनः सक्रिय राजनीतिमा फर्कने संकेत गरेकी छन् । राष्ट्रपतिमा उनको दोस्रो कार्यकाल छिट्टै सकिँदैछ ।

नयाँ सरकार बनेलगत्तै नयाँ राष्ट्रपतिको निर्वाचन हुने छ । त्यसपछि भण्डारी घर फर्कने छिन् । लगातार दोस्रो कार्यकाल राष्ट्रपति बनेर कीर्तिमान राखेकी भण्डारीले पुनः एमालेबाट सक्रिय राजनीति गर्न सक्ने धेरैले अपेक्षा गरेका छन् । उनी राष्ट्रपति बन्ने बेला एमालेको उपाध्यक्ष थिइन् ।

आठ वर्ष राष्ट्रपति हुँदा पनि उनले पार्टी क्याडरकै भूमिका निभाएको भन्दै आलोचना हुने गरेको थियो । एमालेमै पनि उनी आफ्नो पार्टीबाहेक अरुको सर्वस्वीकार्य राष्ट्रपति बन्न नसकेको भन्ने टिप्पणी हुने गथ्र्यो ।

माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाललगायतले भण्डारीलाई साझा राष्ट्रपति बन्ने सुझाव दिने गरेका थिए । तर उनी एमालेको आन्तरिक राजनीतिमा कहिल्यै पनि निरपेक्ष बसिनन् ।

पार्टीमा विवाद देखियो कि नेताहरूलाई शीतल निवास बोलाएर परामर्श गर्ने काम उनले खुलेयाम गर्दै आएकी थिइन् । त्यही भएर धेरैले राष्ट्रपतिबाट घर फर्केपछि उनले फेरि पनि एमालेको कमान्ड सम्हाल्ने अनुमान गरेका छन् ।

आइतबार एपीवान टेलिभिजनमा उनले दिएको अन्तर्वार्तामा समेत भण्डारीले आफू पुनः सक्रिय राजनीतिमा फर्किने संकेत गरिन् । उनले आफ्ना पति मदन भण्डारीको दुर्घटनामा मृत्यु नभई हत्या नै भएको दलिल पेस गरिन् ।

तर, एमाले सरकारमा धेरै लामो समय बस्दा र आफैं पनि आठ वर्ष राष्ट्रपति बन्दा उनले कहिल्यै पनि मदन भण्डारीको हत्या प्रकरण छानबिनमा मुख खोलिनन् । बरु राष्ट्रपतिको कार्यकाल पूरा गरेर घर जाने बेला उनले आफ्नो पतिको हत्या भएको दलील पेस गर्दै सक्रिय राजनीतिमा आउने उनले संकेत गरेकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको राजनीतिमा राष्ट्रपतिको हस्तक्षेप, विद्यासँग वामदेवको शीतलनिवासमा गोप्य भेट

चिनियाँ रक्षामन्त्रीसँगको भेटपछि राष्ट्र्पति भण्डारीबाट आयो यस्तो अभिव्यक्ति

प्रचण्डलाई भेटेपछि विद्या भण्डारी भेट्न शितलनिवास पुगे ईश्वर पोखरेल, के पाक्दैछ खिचडी ?

विद्या भण्डारीका घटिया हर्कतले गणतन्त्रकै बदनाम भएको कांग्रेसको ठहर

विद्यादेवी भण्डारीको मुखबाट ओलीको यस्तो कुरा सुनेपछि प्रचण्ड चकित

ओली सरकारको सिफारिसमा राष्ट्रपति विद्यादेवी भण्डारीबाट २ अध्यादेश जारी