काठमाडौं - एमालेबाट विभाजन भई बनेको एकीकृत समाजवादी र जसपाबाट विभाजन भई बनेको लोसपा दुवै दल यसपटक राष्ट्रिय पार्टी बन्न सकेनन् ।

जसले गर्दा प्रतिनिधिसभामा ती पार्टीबाट निर्वाचित सांसदहरूको हैसियत स्वतन्त्रसरह हुने छ । संसद् सचिवालयले दुवै दललाई न कार्यालय, न त संसदीय दलका नेता, उपनेता, मुख्य सचेतक, सचेतकले पाउने सेवासुविधा नै उपलब्ध गराउँछ ।

प्रतिनिधिसभातर्फ एकीकृत समाजवादीले १० र लोसपाले चार सिट जितेका छन् । एउटा मात्र सिट जित्ने जनमत पार्टी भने राष्ट्रिय दल बनेर समानुपातिकमा पाँच सांसद पाएको छ ।

तर, माधवकुमार नेपाल, महन्थ ठाकुर जस्ता अनुहार हुँदा पनि उनीहरूका दल राष्ट्रिय पार्टी बन्न सकेनन् । जनताले दुवै दललाई राष्ट्रिय पार्टी बन्ने हैसियत दिएनन् । अघिल्लो निर्वाचनमा राष्ट्रिय पार्टी बन्नबाट वञ्चित राप्रपाले यसपटक प्रत्यक्ष र समानुपातिक दुवैतिर सानदार प्रदर्शन गरेको छ ।

उसले प्रत्यक्ष र समानुपातिक दुवैमा सात सात सिट जितेको छ । चुनावअघि एमाले अध्यक्ष केपी ओलीले एकीकृत समाजवादी र लोसपा दुवै राष्ट्रिय पार्टी नबन्ने भविष्यवाणी गरेका थिए ।

आखिरमा भयो पनि त्यही । ओलीको भविष्यवाणी ठ्याक्के मिलेको छ । यसले एकपटक फेरि पनि के पुष्टि गरेको छ भने पार्टी विभाजन गर्नु आत्मघाती कदम हो । यसले कुनै नेताको भलो गर्दैन ।

जसरी ०५६ सालमा एमाले विभाजन भएर मालेको गठन भएको थियो, मालेले पनि चुनावमा एक सिट जित्न सकेको थिएन । तर अहिले एकीकृत समाजवादी र लोसपाले भने गठबन्धनको बलमा प्रत्यक्षमा भने केही सिट हात पारेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

यी मन्त्रीलाई बेस्सरी हप्काउँदै माधव नेपालले भने, ‘तत्काल माफी मागिहाल्नुस्’

माधव नेपालको गर्जनले बालुवाटारमा उत्पात, ओलीलाई दिए यस्ताे चेतावनी !

ओलीलाई हटाउन बैठक बोलाउनुपर्ने नेपालको माग, बालुवाटारमा उथलपुथल

प्रचण्ड–नेपालको रणनीतिः सके ओलीलाई मनाउने, नसके पार्टीबाटै हटाउने !

नेकपा विवाद : ओलीले धोती फुस्काइदिएपछि प्रचण्ड माधव नेपालको शरणमा

ओलीलाई माधव नेपालकाे दनक- 'एउटाले केही गर्न सक्दैन'