काठमाडौं - राष्ट्रपति विद्यादेवी भण्डारी नागरिकता विधेयक प्रमाणीकरण नगरी विवादमा तानिएकी छन् । राष्ट्रपतिको पदमा बसेर पनि एमालेका लागि चुनावी एजेन्डा बनाउन नागरिकता विधेयक अस्वीकार गरेको भन्दै उनको चौतर्फी आलोचना भइरहेको छ ।

संघीय संसदका दुवै सदनबाट पारित विधेयक प्रमाणीकरण नगरी संविधानविपरीत चलेको भन्दै उनीविरुद्ध सर्वोच्च अदालतमा मुद्दा परेको छ । आज सो रिटमा सुनुवाइका लागि पेसी तोकिएको छ ।

विद्यादेवी भण्डारी आठ वर्षसम्म राष्ट्रपतिको पदमा बसे पनि उनमा अझै एमाले कार्यकर्ताको मानसिकता देखिएको भन्दै आलोचना भइरहेको छ । धेरैले आगामी निर्वाचनपछि भण्डारी एमालेको राजनीतिमा आउने अड्कलबाजी गरिरहेका बेला एमाले नेता गोकुल बासकोटाले सार्वजनिक रूपमै राष्ट्रपतिको कार्यकाल सकिएपछि भण्डारीलाई एमालेको नेतृत्व गरे धेरै राम्रो हुने विचार व्यक्त गरेका छन् ।

एमाले नेता बासकोटाले शुक्रबार बिहान प्रथम राष्ट्रपति डा.रामवरण यादवले अहिले पनि राजनीति गरिरहेको भन्दै भण्डारीलाई पनि कार्यकाल सकिएपछि राजनीति नेतृत्व गर्न आग्रह गरेका हुन् । त्यसै पनि एक वर्षअघि एमालेको महाधिवेशनका बेला केपी ओलीपछि एमालेको नेतृत्व भण्डारीले गर्ने चर्चा चलेको थियो ।

‘पूर्वराष्ट्रपतिले राजनीति गर्नु हुँदैन भन्ने कुनै कानुनी व्यवस्था छैन। राजनीतिबाटै उनीहरु रास्ट्रपति बनेका हुन्छन् । एकमात्र पूर्वरास्ट्रपतिले पूर्वमान्यताअनुरूपको राजनीति गरेकै छन् ।

मेरो सिधा मत छ, वर्तमान रास्ट्रपतिले कार्यकाल सकिएपछि सोझै राजनीतिक नेतृत्व गरे अति राम्रो हुने थियो,’ बास्कोटाले सामाजिक सञ्जालमा लेखेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गोकुल बासकोटालाई एकपछि अर्को धक्का, काभ्रेमा एमाले ‘क्लिन स्विप’ को बाटोमा

रवि लामिछानेभन्दा गोकुल बासकोटा नै ‘इमान्दार’

गोकुल बासकोटाको चेतावनीपछि ओलीले दिए प्रस्टीकरण

गोकुल बासकोटाले भने– माओवादी अरु कसैका लागि सेवा दिने मेसिनरी उद्योग हो