काठमाडौं - नेताका बोली टर्रो भएपछि र भ्रष्टाचारमा मुछिएपछि चुनावमा कस्तो अवस्था भोग्नुपर्दो रहेछ भन्ने उदाहरण एमाले नेता गोकुल बासकोटा बनेका छन् ।

७० करोड रुपैयाँ बार्गेनिङ काण्डमा सञ्चारमन्त्रीबाट पदच्यूत भएका बासकोटाको गृहजिल्ला काभ्रेमा एमालेको बिजोग भएको छ । सबै स्थानीय तहको मत परिणाम आउनै लाग्दा काभ्रेमा एमाले ‘क्लिन स्विप’ हुने बाटोमा पुगेको छ ।

अब पाँचखाल र धुलिखेल नगरपालिकाको मात्र मतगणना सम्पन्न हुन बाँकी छ । पाँचखालमा कांग्रेस अगाडि छ । धुलिखेलमाँ पनि एमाले उम्मेदवार आठ सय मतले अगाडि छन् ।

बाँकी सबै स्थानीय कांग्रेस, माओवादी केन्द्र र एकीकृत समाजवादीले जितेको छ । पहिले एमालेको गढ मानिएको बनेपा, पनौती, मण्डन देउपुर नगरपालिकामा सो पार्टीका उम्मेदवार पराजित भएका छन् ।

काभ्रेको पनौती नगरपालिकाको मेयरमा नेपाली कांग्रेसका रामशरण भण्डारी निर्वाचित भएका छन्। २०७४ मा निर्वाचित भएका एमालेका भीम न्यौपानेलाई पछि पार्दै भण्डारी मेयरमा निर्वाचित भएका हुन्।

भण्डारीले १४०५० मत प्राप्त गरे। निकटतम प्रतिद्वन्द्वी न्यौपानेले ११७८३ मत ल्याए। उमपेयरमा भने एमालेकी गीता बन्जारा निर्वाचित भएका छन्।

गीताले १२३३७ मत प्राप्त गरिन्। उनका निकटतम प्रतिद्वन्द्वी एकीकृत समाजवादीका छवीलाल हुमागाईले १०३८८ मत ल्याए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गोकुल बासकोटाले गरे विद्या भण्डारी राजनीतिक नेतृत्वमा आउने संकेत

रवि लामिछानेभन्दा गोकुल बासकोटा नै ‘इमान्दार’

गोकुल बासकोटाको चेतावनीपछि ओलीले दिए प्रस्टीकरण

गोकुल बासकोटाले भने– माओवादी अरु कसैका लागि सेवा दिने मेसिनरी उद्योग हो