काठमाडौं - केही दिनअघि एक कार्यक्रममा एकीकृत समाजवादीका अध्यक्ष माधवकुमार नेपालले नेपाली कांग्रेसलाई ‘२३ सिटे’ भनेर भाषण गरेको भिडियो अहिले सामाजिक सञ्जालमा भाइरल छ ।

गत निर्वाचनमा कांग्रेसले प्रत्यक्षतर्फ २३ सिट जितेको थियो । आगामी निर्वाचनमा कांग्रेसले ९० सिटको बटमलाइन प्रस्तुत गर्दै आएको छ । तर, कांग्रेसलाई त्यति सिट दिन माओवादी केन्द्रका अध्यक्ष पुष्पकमल दाहाल प्रचण्ड र माधव नेपाल तयार छैनन् ।

त्यही भएर माधवले कांग्रेसलाई ‘२३ सिटेले ठूलो भाग नखोजे हुन्छ’ भन्दै आएका छन् । तर कांग्रेसलाई बाहिर बाहिर धारे हात लगाउने माधव नेपालको पार्टीमै गाईजात्रा देखिएको छ ।

काठमाडौं ८ मा टिकटका दाबेदार जीवनराम श्रेष्ठ सेक्युरिटी गार्डलाई थुनाएर बदनाम भएका छन् । लाइनमा बस्न गरेको आग्रहलाई आफ्नो प्रतिष्ठा गिरेको भन्दै पर्यटनमन्त्री श्रेष्ठले सेक्युरिटी गार्ड शेरजंग कुँवरलाई शक्ति प्रयोग गरेर थुनाएका थिए ।

जसले उनको मात्र बदनाम भएन, एकीकृत समाजवादी पार्टीकै हुर्मत लियो । यो काण्डले श्रेष्ठ आगामी निर्वाचनमा पत्तासाफ हुने आकलन गरिएको छ । उता एकीकृत समाजवादीको गुल्मी जिल्ला कार्यसमिति नै एमालेमा विलय भएको छ ।

गुल्मीबाट रामकुमारी झाँक्री उठ्ने बताउँदै आएकी छन् । तर, पार्टीको जिल्ला कार्यसमिति नै एमालेमा विलय भएपछि गुल्मीमा माधवको पार्टी शून्य अवस्थामा पुगेको छ । केही दिनअघि मात्रै एकीकृत समाजवादी सर्लाहीका अध्यक्षसहित प्रभावशाली नेताहरू एमाले प्रवेश गरेका छन् । अब सर्लाहीमा एकीकृत समाजवादीको बीउ खोज्नुपर्ने अवस्था आएको छ ।

एमाले अध्यक्ष केपी ओली अहिले एकीकृत समाजवादीलाई ‘हाफ’ बनाउने अभियानमा छन् । त्यसैले उनले हालै एकीकृत समाजवादीको सुदूरपश्चिम अध्यक्ष करवीर चौधरी, तारा लामासहितलाई एमाले प्रवेश गराए ।

माधव नेपाल प्रचण्डको पार्टीमा मर्ज हुने संकेत देखिएपछि अहिले धमाधम एकीकृत समाजवादीका नेता कार्यकर्ता एमालेतिरै फर्किन थालेका छन् । यस्तै अवस्था रहिरहे आगामी मंसिरसम्म माधव नेपालको हैसियत एक सिटे पनि नरहने विश्लेषण गर्न थालिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

माधव नेपालका ७ अंगरक्षकलाई कोरोना संक्रमण, कस्तो छ अबस्था ?

ओली र प्रचण्डबीच बालुवाटारमा भेटवार्ता, माधव नेपालको खोजी

अख्तियार प्रमुख नियुक्ति दिलाउन हाइड्रो माफिया र भूमि माफियाको आ–आफ्नै दाउ, कसको रोजाइ को ?

ओलीले खोजे माधवको साथ, प्रचण्डलाई ठुलो धक्का

प्रचण्ड र नेपालको डेन्जर खेलले ओलीलाई तनाब, बहुमतले नै हटाउने अन्तिम तयारी !

प्रचण्ड एक्सनमा उत्रिएपछि कर्णाली प्रदेशमा ओली समूह ‘आउट’, दुई मन्त्रीको जाने भो जागिर