काठमाडौं । राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच एक वर्षअघिको जस्तो तिक्ततापूर्ण सम्बन्ध यतिबेला छैन । कुनै पनि विषयलाई धेरै गम्भीर रूपमा नलिने र मनमा इख नपाल्ने भएकाले पनि देउवा राष्ट्रपति भण्डारीसँग त्यति रिसाएका छैनन् ।

गत वर्षको असारमा केपी ओली र देउवामध्ये कसलाई प्रधानमन्त्री बनाउने भन्नेमा भण्डारी द्विविधामा थिइन् । त्यसबेला देउवासँग बहुमत नपुगेको भन्दै भण्डारीले ओलीलाई प्रधानमन्त्री नियुक्त गरेकी थिइन् । जसकारण केही समय देउवा रिसाएका पनि थिए । तर, अहिले भने नागरिकता विधेयकको विषयमा भण्डारीसँग सामान्य असन्तुष्टिबाहेक देउवाको कुनै गुनासो छैन ।

सोमबार राष्ट्रपति भण्डारीले आमन्त्रण गरेपछि देउवा, कांग्रेस उपसभापति धनराज गुरुङ र महामन्त्री गगन थापा शीतल निवास पुगेका थिए । तीनै नेताले नागरिकता विधेयकबारे राष्ट्रपतिलाई कन्भिन्स गरेका थिए । शीतल निवास पुगेलगत्तै राष्ट्रपति भण्डारीले निर्वाचन घोषणा गरेकामा प्रधानमन्त्री देउवालाई बधाई दिएकी थिइन्। प्रधानमन्त्रीले मंसिर ४ मा प्रतिनिधिसभा सदस्य र प्रदेशसभा सदस्यको चुनाव सम्पन्न गर्न सरकार दृढ रहेर सोहीअनुसार काम अघि बढिरहेको बताएका थिए।

त्यसपछि राष्ट्रपति भण्डारीले चुनावका लागि ठूलो दल हुने गरी विजयी हासिल गर्न पनि कांग्रेस सभापति देउवासहितका नेतालाई शुभकामना दिएको सहभागी एक नेताले जानकारी दिए। राष्ट्रपतिले चुनाव जितेर फेरि पनि प्रधानमन्त्री बन्न देउवालाई शुभकामना दिएकी थिइन्। ‘देउवाजी तपाईं त चुनाव सम्पन्न गर्न माहिर हुनुहुन्छ। यसपटक पनि चुनाव जितेर फेरि प्रधानमन्त्री बन्नुहोला,’ राष्ट्रपतिको भनाइ उद्धृत गर्दै कांग्रेस नेताले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !

कम्युनिस्टको मुखमा बुझो लगाउने गरी बोले देउवा, भ्रमको खेती नगर्न चेतावनी

देउवालाई भेट्न नेम्वाङ पुगे बुढानिलकण्ठ, के पाक्दैछ खिचडी ?

नेकपा फुटको संघारमा रहेको बेला ओली समुहलाई देउवाले दिए यस्तो जवाफ