खैबर पख्तुनख्वा - खैबर पख्तुनख्वाका कूल एक हजार ४८० प्रहरीहरूमध्ये ४०८ प्रहरीहरू मात्र जीवित छन् र बाँकी एक हजार ७२ हवल्दारहरू आत्मघाती हमला, बम विस्फोट, लक्ष्य हत्या, भिडन्त र एम्बुसहरूमा मारिएका छन्। विगत १५ वर्षमा प्रदेशमा निकै ठूलो संख्यामा सुरक्षाकर्मीहरुको हत्या भएको हो। 

साथै, सन् १९७० देखि डिसेम्बर २००६ सम्म विगत ३६ वर्षमा यस प्रान्तमा कुल ३८९ पाकिस्तानी सैनिक मारिएका छन्, द न्यूज इन्टरनेसनलले रिपोर्ट गरेको छ। प्रहरीको आधिकारिक अभिलेखअनुसार मृत्यु हुनेमध्ये २ सय ३८ हवल्दार, २८ प्रहरी हवल्दार, ५८ सहायक प्रहरी नायव निरीक्षक (असई), ३७ सहायक निरीक्षक (एसआई) र २ जना निरीक्षक रहेका छन्।

यसबाहेक सो अवधिमा दुई प्रहरी नायब उपरीक्षक (डीएसपी), एक सहायक प्रहरी उपरीक्षक, एक एसपी र एक नायब महानिरीक्षक (डीआईजी) आबिद अलीले विभिन्न घटनामा ज्यान गुमाएका छन्। प्रकाशनका अनुसार जनवरी २००७ मा स्थितिले नराम्रो मोड लिएको थियो। प्रहरीमाथिको पहिलो ठूलो हमलामा कासिम अली खान नजिकै भएको आत्मघाती हमलामा तत्कालीन राजधानी सहरका प्रहरी अधिकृत मलिक मोहम्मद सादसहित केही प्रहरी र अन्यको मृत्यु भएको थियो। 

त्यसयता प्रदेशका विभिन्‍न भागमा प्रहरीले १ हजार ४८० प्रहरी गुमाइसकेको छ। सन् २००७ यता विभिन्न आक्रमणमा ३२ निरीक्षक, १०९ सई, ८८ असई, १५५ हेड हवल्दार र १ हजार ७२ हवल्दारले पनि ज्यान गुमाएका छन्। सन् २०१४ पछि त्यहाँ केही शान्ति थियो तर गत वर्षको अन्त्यमा फेरि प्रहरीमाथिको आक्रमण तीव्र भएको द न्यूज इन्टरनेशनलले रिपोर्ट गरेको छ।

यस वर्षको जुलाईको पहिलो छमाहीमा विगत आठ वर्षको सबैभन्दा खराब अवस्था रह्यो। भर्खरै बुधबार पेशावरको डीएसपी बडाबेरको कार्यालयमा हातगोला प्रहार भएपनि मानवीय क्षति भने भएको छैन। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाकिस्तानको भवलपुरमा हिन्दुका घरहरु भत्काइयो

पाकिस्तानको सिन्धमा ३८५ बालबालिकामाथि दुर्व्यवहारका घटना दर्ता

शिख समुदायलाई मुस्लिम धर्मगुरुको धम्की, गुरुद्वाराको जग्जा कब्जा गर्ने लक्ष्य

चमन प्रान्तमा अफगानी र पाकिस्तानी सेनाका बीच भिडन्त

चमन प्रान्तमा अफगानी र पाकिस्तानी सेनाबीच भिडन्त

पाकिस्तानी राज्यातंकविरुद्ध सिन्धमा प्रदर्शन, र्‍यालीमा सहभागी नै अपहरण