काठमाडौं - राष्ट्रपतिको दुई कार्यकालको धेरै समय पदीय गरिमा र संविधानको धज्जी उडाएर सकिन लागेपछि विद्यादेवी भण्डारीले विभिन्न मिडियाका सम्पादकलाई शीतलनिवास बोलाएर ‘छवि सुधार्ने’ प्रयास गरेकी छन् ।

राष्ट्रपतिले बोलाएपछि सम्पादकहरू मंगलबार शीतलनिवास पुगेका थिए । सो क्रममा राष्ट्रपतिले लिखित भाषण गरेकी थिइन् । आफ्नो सात वर्षे कार्यकालमा भण्डारी धेरैजसो समय विवादमा आइन् ।

खासगरी केपी ओलीको सरकारका पालामा उनले संविधानले नदिएका अधिकारसमेत प्रयोग गरिन् । खासगरी उनले कम्युनिस्ट सरकार बचाउन हदैसम्म पदको दुरुपयोग गरेपछि उनी विवादमा परिन् । अहिले फेरि उनी सक्रिय हुन थालेकी छन् ।

केही समयदेखि उनी कम्युनिस्ट पत्रकारलाई शीतलनिवासमा बोलाएर आफ्ना असन्तुष्टि बाहिर ल्याउने गरिरहेकी छन् । मंगलबारको सम्पादकहरूसँगको भेटघाट पनि त्यसकै शृंखला हो ।

उनले आफ्नो भाषणमा नागरिकता विधेयकको विरोध मात्र गरिनन्, गठबन्धन सरकारको आलोचना पनि गरिन् । उनले अर्थतन्त्र बिग्रेको भन्दै त्यो वर्तमान सरकारकै कारण भएको आरोप लगाएर एमालेको कदमलाई सहयोग गरेकी छन् ।

महिला, बालबालिका तथा ज्येष्ठ नागरिकमन्त्री उमा रेग्मीले राष्ट्रपति भण्डारीले चुनावको मुखमा विपक्षी पार्टीलाई मद्दत पुग्ने गरी बोलेको आरोप लगाउँदै आपत्ति जनाएकी छन् । नेपाली रेडियो नेटवर्क (एनआरएन) को कार्यक्रम ‘नेपाली बहस’ मा बुधबार रेग्मीले भनिन्, ‘राष्ट्रपति सेरेमोनियल पद हो ।

मुलुक चलाउने कार्यकारी प्रधानमन्त्रीले हो । राष्ट्रपतिले आजमात्र समस्या देख्नुभयो कि हिजो पनि बोल्नुभयो ? उहाँले त्यसरी बोलिरहनु जरुरी छैन । त्यसरी बोल्ने पनि होइन ।

सम्मानित संस्थाको व्यक्तिले चुनावको मुखमा अर्को पार्टीलाई मद्दत पुग्ने गरी बोल्नुहुँदैन । आजको सरकारका कारणमात्र अर्थतन्त्रमा अप्ठ्यारो परेको त होइन नि । विश्व अर्थतन्त्रमै समस्या आएको छ । विपक्षीले श्रीलंकाको हौवा फिँजाएर जनतामा डर, त्रास देखाएको मात्र हो ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको राजनीतिमा राष्ट्रपतिको हस्तक्षेप, विद्यासँग वामदेवको शीतलनिवासमा गोप्य भेट

चिनियाँ रक्षामन्त्रीसँगको भेटपछि राष्ट्र्पति भण्डारीबाट आयो यस्तो अभिव्यक्ति

प्रचण्डलाई भेटेपछि विद्या भण्डारी भेट्न शितलनिवास पुगे ईश्वर पोखरेल, के पाक्दैछ खिचडी ?

विद्या भण्डारीका घटिया हर्कतले गणतन्त्रकै बदनाम भएको कांग्रेसको ठहर

विद्यादेवी भण्डारीको मुखबाट ओलीको यस्तो कुरा सुनेपछि प्रचण्ड चकित

ओली सरकारको सिफारिसमा राष्ट्रपति विद्यादेवी भण्डारीबाट २ अध्यादेश जारी