काठमाडौं - ६ महिनाअघि सम्पन्न नेपाली कांग्रेसको १४औं महाधिवेशनबाट सभापतिमा पराजित भएपछि डा.शेखर कोइराला मौन जस्तै थिए ।

यद्यपि स्थानीय तहको निर्वाचनअघि उनले केही सक्रियता बढाएका थिए । उनी पार्टी सभापति शेरबहादुर देउवालाई काउन्टर दिन गठबन्धन गर्न नहुने पक्षमा उभिए ।

उनले आफूसँगै निकट नेताहरूलाई पनि त्यही बाटोमा उभ्याए । तर, जब गठबन्धन नहुँदा एमालेले वाम एकता गरी २०७४ को निर्वाचनमा जस्तै कांग्रेसलाई एक्ल्याउने रणनीति उनले थाहा पाए, त्यसपछि भने देउवाकै लाइनमा उनी उभिए ।

यतिबेला फेरि शेखर गुटको भेलामा लागेका छन् । पुराना कांग्रेसका नेताहरूसँग भेटघाट गरिरहेका छन् । शेखरको यो सक्रियता संस्थापन इतर समूहमा सर्वस्वीकार्य नेता बन्ने उद्देश्य भएको सबैले बुझेकै छन् ।

किनभने रामचन्द्र पौडेल, प्रकाशमान सिंह, कृष्णप्रसाद सिटौला, डा.रामशरण महत, अर्जुननरसिंह केसी, डा.शशांक कोइराला इतर समूहका नेता बन्ने दौडबाट करिब करिब बाहिरिसकेका छन् ।

त्यसैले पनि शेखरले दह्रोसँग संस्थापन पक्षलाई चुनौती दिने गरी अभियान अघि बढाइरहेका छन् । शेखरलाई उपसभापति धनराज गुरुङ, डा.मिनेन्द्र रिजाल, बलबहादुर केसीलगायतको साथ र समर्थन छ ।

तर, प्रतिनिधिसभा र प्रदेश सभाको निर्वाचनको पूर्वसन्ध्यामा कांग्रेसमा विभाजन ल्याउन शेखरले अहिले गतिविधि अघि बढाइरहेको बुझाई संस्थापन पक्षको छ ।

कतिसम्म भने शेखर पक्षले आगामी निर्वाचनमा देउवालाई कमजोर बनाउन एमाले अध्यक्ष केपी ओलीसँग सहकार्य गर्ने रणनीतिसमेत बनाएको समाचार बाहिर आउन थालेका छन् ।

यसले आमकांग्रेसीलाई नै अन्योल बनाएको छ । कांग्रेस सभापति देउवा एमालेलाई साइजमा राख्न माओवादी केन्द्र र एकीकृत समाजवादीसँग गठबन्धन गरी चुनावमा होमिने पक्षमा छन् । तर, शेखर भने ठीक उल्टो एमालेसँग सहकार्य गरेर जानुपर्ने पक्षमा छन् ।

बाहिर आएको हल्लालाई निवारण गर्ने मुख्य दायित्व शेखर समूहकै हो । नत्रभने एउटै पार्टीले दुईथरी रणनीति अख्तियार गरेमा त्यो निकै आत्मघाती सावित हुने विश्लेषकहरूको ठम्याइँ छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गगन थापा र शेखर कोइराला सभापतिका उम्मेदवार भए कसले जित्ला ?

कांग्रेसमा यी २ देउवा प्यानल र १ कोइराला प्यानलबाट सहमहामन्त्रीमा विजयी

कांग्रेस सभापतिमा हारेका कोइरालाले गरे यस्तो घोषणा, तन्नेरीहरु तनाबमा

शेखर कोइरालाले सुरु गरे गुट भेला, नेता बन्ने प्रयास

ओलीपछि प्रचण्डसँग शेखर कोइरालाको भेटवार्ता, किन हुँदैछन् सक्रिय ?

शेखर समूहमा उत्पात ! यस्तो भयो तयारी