काठमाडौं -  यतिबेला देशको अर्थतन्त्र तहसनहस भएको छ । पुँजीबजार आधा घटेको छ । महँगी चरम विन्दुमा पुगेको छ । बजारमा अराजकता बढेको छ ।

बैंक तथा वित्तीय संस्थाहरूले मनपरी ब्याज असुलिरहेका छन् । यी सबै हुनुको मुख्य कारण सक्षम अर्थमन्त्री नभएर हो । यसमा देशका अधिकांश जनता सहमत छन् । प्रायः ठूला दलले अहिलेका अर्थमन्त्रीलाई तुरुन्त् हटाउनुपर्ने बताइरहेका छन् ।

एमालेले त संसदमै अर्थमन्त्री शर्माको राजीनामा माग गरिसकेको छ । अर्थमन्त्री शर्माले संसदमा सम्बोधन गर्दा एमाले सांसदले बहिष्कार गर्ने गरेका छन् । देशको बजेट बनाउँदा बिचौलिया राख्ने, स्वास्थ्य बिमाको साढे सात अर्बमा भ्रष्टाचार गर्ने नियत शर्माले राखेपछि उनको राजीनामा माग गर्न थालिएको हो ।

माओवादी केन्द्रमै पनि अर्थमन्त्री शर्मालाई हटाएर नयाँलाई जिम्मेवारी दिनुपर्ने आवाज उठिरहेको छ । जसको नेतृत्व वर्षमान पुनले लिइरहेका छन् । यसैक्रममा देशका चर्चित अर्थविद्हरूले पनि अर्थमन्त्रीलाई हटाउन दबाब दिएका छन् ।

नेपाली कांग्रेसका नेता डा. शेखर कोइरालाले देशको पछिल्लो राजनीतिक र आर्थिक विषयमा गरेको छलफलमा अर्थविद्हरूले यस्तो सुझाव दिएका हुन् ।अर्थविद्हरूले मुलुक आर्थिक र राजनीतिक रुपमा कुनैपनि समय दुर्घटनामा पर्न सक्ने चेतावनी दिँदै वर्तमान अर्थमन्त्री शर्मालाई नहटाइ चुनावमा जान नसकिने सुझाव दिएका हुन् ।

छलफलमा कांग्रेसका केन्द्रीय सदस्य तथा राष्ट्रिय योजना आयोगका पूर्व उपाध्यक्ष डा. गोविन्द पोखरेल, पूर्वमुख्यसचिव डा. विमल कोइराला, अर्थविद् अच्युत वाग्ले, राजनीतिक विश्लेषक पुरञ्जन आचार्य र व्यवसायी नरेन्द्र श्रेष्ठको सहभागिता रहेको थियो ।

छलफलका क्रममा अहिलेको अवस्था सृजना हुनुमा अर्थमन्त्री शर्माको प्रमुख हात रहेकोले उनलाई तत्काल बर्खास्त गर्न आवश्यक रहेको बताउँदै उनीहरूले कोइरालालाई यस विषयमा पार्टीभित्र स्पष्ट अडान राख्न आग्रहसमेत गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दशैंको मुखमा मन्त्रि बन्नेहरुको नामावली सार्बजनिक, बिष्णु पौडेल र जनार्दन शर्मालाई यो मन्त्रालय जिम्मा दिईदै !

नेकपा नेता जनार्दन शर्मालाई कोरोना संक्रमण

नेकपामा जनार्दन शर्माको छुट्टै प्रस्ताव, के छ नयाँ ?

ओलीको पद जाने निश्चित, जनार्दन शर्माले गरे गम्भीर खुलासा !

केपी ओलीविरुद्ध कुनै पनि बेला विद्रोह उठ्ने जनार्दन शर्माको धम्की

केपी ओलीसँग नजिकिन थाल्यो जनार्दन शर्माको मन ! प्रचण्डलाई अर्काे धक्का !