काठमाडौं - स्थानीय तहको निर्वाचनमा अन्तर्घातकै कारण पार्टीले धेरै ठाउँमा हारेको भन्दै एमाले अध्यक्ष केपी ओलीले आफूविरोधी नेताहरूमाथि कारबाही थालेका छन् ।

त्यसको पहिलो सिकार घनश्याम भुसाल भएका छन् । ओलीको आलोचना गरेको भन्दै भुसालमाथि अनुशासन आयोगले कारबाही गरेको हो । जुन विषयले अहिले एमालेमा तरंग सिर्जना गरेको छ ।

स्थानीय निर्वाचनमा देशभरि भएका अन्तर्घातका रिपोर्ट केन्द्रीय कार्यालयमा पुग्न थालेपछि अध्यक्ष ओलीले ती सबै रिपोर्टलाई बालकोट मगाएर गुपचुप पारिरहेको स्रोतले जनाएको छ ।

‘आफ्ना मान्छेलाई जोगाउनका लागि रिपोर्टहरू नै नष्ट पारिँदैछ’, एमाले स्रोतले भन्यो, ‘१० बुँदे पक्षधरमध्ये दुई–तीनजनाबाहेकलाई पन्छाउनुपर्ने उनको एकसूत्रीय अभ्यास छ ।’

घनश्यामपछि ओलीले पृथ्वीसुब्बा गुरुङसहित केही १० बुँदे पक्षधर नेतालाई कारबाही अगाडि बढाउने सम्भावना रहेको एमाले स्रोतले बताएको छ ।

पोखरा महागरपालिकाको निर्वाचनमा अन्तर्घातबारे त्यहाँका नेता खगराज अधिकारीले उपमहासचिव पृथ्बीसुब्बा गुरुङ, सचिव पद्मा अर्याल र केन्द्रीय सदस्य विष्णु रिजालविरुद्ध उजुरी गरेका छन् ।

त्यस्ता उजुरी झापा, सुनसरी, मकवानपुर, रुपन्देही, कैलाली, कञ्चनपुरबाट पनि आएका छन् । आरोपितहरू प्रायः ओलीपक्षीय छन् । तर, ती उजुरीहरू नष्ट गर्ने काममा बालकोटको सक्रियता बढेको छ ।

आफूपक्षीय नेतालाई जोगाउँदै विरोधीमाथि कारबाहीको डण्डा चलाउन ओलीले अनुशासन आयोगलाई निर्देशन दिइसकेको बुझिएको छ ।

पोखरा महानगरमा एमाले उम्मेदवार कृष्ण थापा पराजित हुनुमा पृथ्वी सुब्बा गुरुङको प्रमुख हात रहेको ओली पक्षले आरोप लगाउँदै आएको छ । थापाअघि त्यहाँको मेयरमा दिपक पौडेललाई उम्मेदवार बनाइएको थियो ।

तर पौडेललाई सिक्री चोरेको आरोप लगाउँदै उनको टिकट खोसियो । पौडेल पृथ्वी सुब्बा पक्षका नेता हुन् । पृथ्वी सुब्बा पछिल्लो समय माधवकुमार नेपाल समूहसँग एकता गर्नुपर्ने पक्षमा छन् ।

माधव पक्षसँग लचिलो भएकै कारण ओलीले घनश्यामको राजनीति सिध्याउन लागेका छन् । अब पालो पृथ्वी सुब्बाको रहेको एमाले स्रोतले बताएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?