हिजो एमसीसीको नाम सुन्दा भागेर हिँड्ने अर्थमन्त्री शर्मा अहिले भन्छन्– एमसीसी कार्यान्वयन छिटो गरौं
हिजो एमसीसीको नाम सुन्दा भागेर हिँड्ने अर्थमन्त्री शर्मा अहिले भन्छन्– एमसीसी कार्यान्वयन छिटो गरौं
काठमाडौं - कम्युनिस्ट नेताहरू कतिसम्म ढोंगी हुन्छन् भन्ने माओवादी केन्द्रका नेता एवं अर्थमन्त्री जनार्दन शर्माले पुष्टि गरेका छन् ।
अमेरिकी सहयोग परियोजना मिलेनियम च्यालेन्ज कर्पोरेसन (एमसिसी) संसदमा पेस गर्ने बेला शर्मा लुकिलुकी हिँडेका थिए ।
एमसीसी संसदमा पेस गर्न डराएपछि शर्माको ठाउँमा सञ्चारमन्त्री ज्ञानेन्द्रबहादुर कार्कीले संसदमा टेबुल गरेका थिए । त्यसबेला शर्मा श्रीमतीसहित पर्वततिर घुमघाममा थिए ।
माओवादीभित्रै एमसीसीबारे दुईथरी धारणा रहेकाले भोट घट्ला भन्दै शर्मा भागेर हिँडेका थिए । जब माओवादी केन्द्रका अध्यक्ष पुष्पकमल दाहाल प्रचण्डले एमसीसी अनुमोदन गर्न सहमति गरे त्यसपछि मात्रै शर्मा संसदमा उपस्थित भएर एमसीसीमाथिको छलफलमा सहभागी भएका थिए ।
सांसदहरूको जवाफको उत्तर दिएका थिए । तर, अहिले यिनै अर्थमन्त्री शर्मालाई एमसीसी चाँडै कार्यान्वयन होस् भन्ने लागेको छ । एमसीसी फिर्ता भएपछि श्रीलंका अहिले जसरी टाट पल्टिएको छ, त्यो दृश्य देखेपछि मन्त्री शर्मा एमसीसीको पक्षमा खुलेर लागेका हुन् ।
उनले एमसीसीको कार्यान्वयन प्रक्रिया छिटो अघि बढाउनुपर्ने बताएका छन् । अर्थमन्त्री शर्मा, एमसिसीका डेपुटी भाइस प्रेसिडेन्ट जोनाथन ए ब्रुक्स, एमसिसीको नेपालस्थित राष्ट्रिय निर्देशक (निमित्त) सञ्जय पौडेल, नेपालस्थित अमेरिकी दूतावासका राजनीतिक विशेषज्ञ रोजी कट्टेलबीच सोमबार भएको भर्चुअल बैठकमा अर्थमन्त्रीले प्रक्रिया छिटो अघि बढाउनुपर्ने बताएका हुन् ।
संसदबाट अनुमोदन भएपछि एमसिसी र अर्थमन्त्री शर्माबीच पहिलोपटक बैठक भएको हो । बैठकमा अर्थमन्त्री शर्माले परियोजनाको कार्यान्वयन अवधि एक वर्ष बाँकी रहेको देखिएकाले त्यति ढिला गर्न नहुने बताए ।
‘एक वर्षे कार्यान्वयन अवधि मेरा लागि धेरै लामो समय भयो । हामी छिटोभन्दा छिटो काम सुरु गर्न चाहन्छौँ । त्यसका लागि एमसिसीले पनि आवश्यक तयारी गरोस् भन्न चाहन्छु,’ उनले भने ।
छलफलमा अर्थमन्त्रीले एमसिसी अनुमोदन प्रक्रियामा केही समस्या देखिए पनि कार्यान्वयन चरणमा गएपछि कुनै पनि समस्या आउन नदिने प्रतिबद्धता पनि जनाए ।
‘एमसिसी आर्थिक परियोजना हो र यो चाँडै अगाडि बढ्छ भन्ने कुरामा आमनेपालीलाई विश्वास भइसकेको छ । त्यसैले अब एक वर्षभित्र कार्यान्वयन गर्ने भनेर समय तोक्ने होइन, जतिसक्दो छिटो परियोजना कार्यान्वयन गर्न थाल्नुपर्छ,’ उनले भने ।
एमसिसी विशुद्ध आर्थिक परियोजना भएको विषयमा सरकार स्पष्ट भए पनि विभिन्न कारणले राजनीतीकरण भएको उनको भनाइ थियो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४