काठमाडौं - अल्पज्ञानम् भयंकरम् भन्ने उक्ति अहिलेका अर्थमन्त्री जनार्दन शर्मामा चरितार्थ भएको छ । जुन मन्त्रालय सम्हालेको हो त्यससँग सामान्य ज्ञान नहुँदा देशको अर्थतन्त्र कसरी डामाडोल हुँदो रहेछ भन्ने गतिलो उदाहरण शर्मा बनेका छन् ।

दस वर्षसम्म बन्दुक बोकेर कथित जनयुद्ध गरेका शर्माको आर्थिक अवस्था अहिले सगरमाथा पुगेको छ । हिजो सामान्य आर्थिक हैसियत भएका शर्माको अहिले करोडौंको प्रोपर्टी छ । नातागोता सबै हुने खाने ठाउँमा पुगेका छन् ।

माओवादी केन्द्रमा प्रचण्डको परिवारभन्दा बढी शर्माको परिवार र आफन्तको बाहुल्यता छ । उनी अहिले माओवादीको महासचिव र पछि अध्यक्षको दाबी गर्ने अवस्थामा पुगेका छन् ।

तर, यिनै शर्माले अर्थ मन्त्रालय सम्हालेपछिको ६ महिनामा देशको आर्थिक अवस्था धराशायी बन्न पुगेको छ । यतिबेला पेट्रोलियम पदार्थ किन्न आयल निगमसँग पैसा छैन । ऋण तिर्न नेपाल वायुसेवा निगमसँग पैसा छैन ।

सर्वसाधारण जनताचलाई ऋण दिन बैंकसँग पैसा छैन । साना मझौला व्यवसायीसँग व्यवसाय सञ्चालन गर्न पुँजी छैन । पर्यटन व्यवसाय सुचारु गर्न पर्यटक छैन । किसानलाई खेती गर्न रासायनिक मल छैन । बेरोजगारी जनतालाई रोजगारी छैन ।

वास्तविक व्यवसायीलाई प्रोत्साहन छैन । आफ्नै पैसामा लगानी गर्न खोजेका व्यवसायीलाई राज्यबाटै हतोत्साही गरिएको छ । अहिलेको जस्तो अवस्था नेपालमा यसअघि कहिल्यै पनि देखिएको थिएन । नेपालमा थुप्रै अर्थमन्त्री बनिसकेका छन् । तर, शर्माको जस्तो असफल कोही भएनन् ।

सबैले केही न केही निर्णय गरेर देशका आर्थिक अवस्था सही दिशामा ल्याउने प्रयत्न गरेका थिए । तर, जनार्दन शर्मासँग विषयबारे ज्ञान नहुँदा अवस्था निकै चिन्ताजनक बनेको उद्योगपति, व्यापारीहरू बताउँछन् ।

देशको आर्थिक अवस्थामा सुधार ल्याउनुभन्दा शर्मा अहिले कमिसन कहाँबाट आउँछ, आफ्ना नातागोतालाई कहाँ कहाँ नियुक्ति गर्न सकिन्छ भन्ने ध्याउन्नमा लागेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

दशैंको मुखमा मन्त्रि बन्नेहरुको नामावली सार्बजनिक, बिष्णु पौडेल र जनार्दन शर्मालाई यो मन्त्रालय जिम्मा दिईदै !

नेकपा नेता जनार्दन शर्मालाई कोरोना संक्रमण

नेकपामा जनार्दन शर्माको छुट्टै प्रस्ताव, के छ नयाँ ?

ओलीको पद जाने निश्चित, जनार्दन शर्माले गरे गम्भीर खुलासा !

केपी ओलीविरुद्ध कुनै पनि बेला विद्रोह उठ्ने जनार्दन शर्माको धम्की

केपी ओलीसँग नजिकिन थाल्यो जनार्दन शर्माको मन ! प्रचण्डलाई अर्काे धक्का !