काठमाडौं - नेपाली राष्ट्रिय क्रिकेट टिमका पूर्व खेलाडी शक्ति गौचनले जिल्ला क्रिकेट संघ रुपन्देहीको अध्यक्षमा उम्मेदवारी दिने घोषणा गरेका छन् ।

शक्तिले सामाजिक संजालमार्फत सम्वोधन गर्र्दै अध्यक्षमा उम्मेदवारी दिने घोषणा गरेका हुन् । स्थानीय शक्तिले जिल्लालाई क्रिकेटमा उत्कृष्ट जिल्ला बनाउने लक्ष्य लिएको बताएका छन् ।

उनले भनेका छन्, ‘क्रिकेट खेल र खेलाडीको निमित्त नयाँ सोच, नयाँ भिजनका साथ रुपन्देहीलाई क्रिकेटमा उत्कृष्ट बनाउने लक्ष्य लिएर रुपन्देही जिल्ला क्रिकेट संघको अध्यक्ष पदमा उम्मेदवारी दिंदैछु ।’ भैरहवामा एकेडेमीसमेत चलाएका छन् ।

अन्तर्राष्ट्रिय क्रिकेटमा शक्तिले कतिपय खेलमा महत्वपूर्ण भूमिका निभाउँदै टिमलाई जिताएका थिए । सन् २००१ देखि नेपाली राष्ट्रिय क्रिकेट टिममा (यू–१७) खेलेका शक्तिले सन् २०१८ मा संन्यास लिएका थिए । शक्तिको हाँसो जादूमय छ । कुनै समय हालका कप्तान सन्दीप लामिछानेले शक्तिबारे भनेका थिए, ‘उनले हाँसोबाटै सबैलाई मार्न सक्छन् । नामले पनि शक्ति द पावर ।’

प्रशासनमा हात हाल्ने इच्छा राखेका शक्तिको हाँसोको जादू चल्यो भने साँच्चै रुपन्देही उत्कृष्ट जिल्ला बन्न बेर छैन । उनी आफ्नो खेल करियरमा सायदै कसैसँग रिसाए ।

अग्ला कदका उनको मनको छाती पनि फराकिलो नै भएको उनका साथीहरु चर्चा गर्ने गर्छन् । नेपाली क्रिकेट बुझेका उनले जिल्ला हाँक्न सक्ने ल्याकत राख्छन् । रुपन्देही जिल्लाको निर्वाचन आगामी माघ ५ गते हुँदैछ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।