काठमाडौं – नेपाली कांग्रेसबाट निर्वाचित जिल्ला समन्वय समिति डडेल्धुराका प्रमुख गणेशराज भट्टको निधनप्रति दुःख व्यक्त गर्दै डडेल्धुराको अमरगढी नगरपालिकाले आज मंगलबार सार्वजनिक बिदा दिएको छ । 

जिसस प्रमुख भट्टको सोमवार उपचारका क्रममा काठमाडौंमा निधन भएको हो । स्थानीय तह निर्वाचनमा कांग्रेसबाट उम्मेदवार रहेका भट्ट जिसस प्रमुखमा विजयी भएका थिए ।

अमरगढी नगरपालिकाका प्रमुख विश्वेश्वर ओझाले सोमबार शोक वक्तव्य जारी गर्दै भट्टको निधनबाट अमरगढी नगरपालिकालाई ठूलो क्षति भएको जनाएका छन् ।

शोक वक्तव्यमा उल्लेख छ, ‘जिल्ला समन्वय समितिको प्रमुखका रूपमा रही उहाँले गर्नुभएको अभिभावकीय र समन्वयकारी भूमिका सदा स्मरणीय छ ।’

मंसिर अन्तिम हप्ता मस्तिष्कघातको समस्या देखिएपछि भट्टलाई उपचारका लागि काठमाडौंको अन्नपूर्ण न्यूरो हस्पिटलमा राखिएको थियो ।

यस्तो छ बिदाबारे उल्लेख भएको वक्तव्य –

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अब नेपालमै पनि हप्तामा दुई दिन सरकारी बिदा !

भोलि सार्वजनिक बिदा दिने निर्णय (सूचनासहित)

आज सार्वजनिक बिदा

पुस २९ गते सार्वजनिक बिदा दिने निर्णय

आज शहीद दिवसको सार्वजनिक बिदा दिने निर्णय

ल्होसारको अवसरमा माघ २८, २९ र ३० गते सार्वजनिक बिदा