काठमाडौं – आजदेखि लगातार ३ दिन सार्वजनिक बिदा हुने भएको छ ।

बैतडी जिल्लाको मेलौलीमा लाग्ने जात्राका लागि मेलौली नगरपालिकाले सूचना जारी गर्दै आज बिहीबार र भोलि शुक्रबार सार्वजनिक बिदा हुने जनाएको छ भने पर्सि शनिबार बिदा नै छ । यसरी आजदेखि लगातार ३ दिन सार्वजनिक बिदा हुँदैछ ।

मेलौली नगरपालिका–१ स्थित मेलौली भगवती मन्दिरमा आज बिहीवार र भोलि शुक्रवार बलीसहित भव्य जात्रा लाग्दैछ ।

नगरपालिकाले दिएको बिदाको २ दिन नगर क्षेत्रभित्र रहेका सम्पूर्ण सरकारी कार्यालय, सार्वजनिक संस्था, विद्यालय, वित्तीय संस्था लगायतका कार्यालय बन्द रहने नगरपालिकाका निमित्त प्रमुख प्रशासकीय अधिकृत नारायणबहादुर चन्दले बताएका छन् ।

मेलौली भगवती मन्दिरमा लाग्ने जात्रामा बैतडीका साथै छिमेकी देश भारतबाट समेत दर्शनार्थी आउने गरेका छन् ।

जिल्ला सदरमुकामस्थित दशरथचन्द नगरपालिकाले समेत बिहीवार १ दिन सार्वजनिक दिने निर्णय गरेको छ । नगर प्रमुख नरेन्द्रसिंह थापाले एक सूचना जारी गर्दै नगरपालिकाको गढीस्थित प्रसिद्ध जगन्नाथ मन्दिरमा आज बिहीवार कात्तिक शुक्ल चतुदर्शीका दिन जात्रा लाग्ने भएकाले बिदा दिइएको जानकारी दिए । 

बिदाका दिन सम्पूर्ण सरकारी तथा गैरसरकारी कार्यालय, विद्यालय लगायतका कार्यालयमा बिदा रहने जानकारी दिइएको छ । जगन्नाथ मन्दिरमा प्रत्येक वर्ष कात्तिक शुक्ल चतुर्दशीका दिन भव्य जात्रा लाग्दै आएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अब नेपालमै पनि हप्तामा दुई दिन सरकारी बिदा !

भोलि सार्वजनिक बिदा दिने निर्णय (सूचनासहित)

आज सार्वजनिक बिदा

पुस २९ गते सार्वजनिक बिदा दिने निर्णय

आज शहीद दिवसको सार्वजनिक बिदा दिने निर्णय

ल्होसारको अवसरमा माघ २८, २९ र ३० गते सार्वजनिक बिदा