राजनीतिक बिशेष
एमाले प्रतिनिधि छनोटमा ओलीको कब्जा, १० भाइ निकट सय प्रतिनिधि पनि आउन सकेनन्
एमाले प्रतिनिधि छनोटमा ओलीको कब्जा, १० भाइ निकट सय प्रतिनिधि पनि आउन सकेनन्
काठमाडौं - अबको एक सातापछि एमालेको १०औं महाधिवेशन चितवनको सौराहामा आयोजना हुँदैछ । यसपटक एमाले महाधिवेशन नीतिभन्दा पनि नेतृत्व चयनमै सीमित हुनेछ ।
अर्थात् केपी ओलीलाई फेरि एकपटक अध्यक्ष निर्वाचित गरेर एमालेको महाधिवेशन सकिनेछ । ओली अध्यक्षमा निर्वाचित वा सर्वसम्मत भएपछि बाँकी पदमा उनी पक्षका आउन कुनै अप्ठेरो छैन ।
किनकि अहिलेसम्म ६६ जिल्लाबाट एमालेका महाधिवेशन प्रतिनिधि छनोट भइसकेका छन् । पार्टी अध्यक्ष ओलीले भिडियो सम्बोधनमार्फत सर्वसम्मत नेतृत्व चयन गर्न र निर्वाचन नगराउन निर्देशन जारी गरेपछि अहिले सर्वसम्मतका नाममा सबै ओली पक्षका महाधिवेशन प्रतिनिधि मात्र छनोट भएका छन् ।
एमाले नेताहरूका अनुसार माधवकुमार नेपाल पक्ष छुट्टिएर गएपछि ओलीलाई हाइसन्चो भएको छ । त्यसैले अब उनको विरोधमा कोही पनि उभिन सक्ने अवस्था छैन । हिजो माधव नेपाललाई अन्तिम समयमा धोका दिएर ओलीलाई साथ दिने १० भाइको हरिबिजोग भएको छ ।
१० बुँदे सहमतिका नाममा ओलीसँग आत्मसमर्पण गरेका १० भाइ निकट एक सय महाधिवेशन प्रतिनिधि पनि छनोट नभएको बुझिएको छ । बरु ओलीले पूर्वमाओवादी केन्द्रका नेताहरूलाई अलि भ्यालू दिएका छन् ।
झन्डै ९० प्रतिशत महाधिवेशन प्रतिनिधि ओली पक्षका आएकाले अब एमालेमा उनको विरोध गर्नेको राजनीतिक भविष्य समाप्त हुने स्थिति छ । सोही कारण पनि अहिले १० भाइको अनुहार कालोनीलो भएको छ ।
ओलीले हालै सम्पन्न विधान महाधिवेशनबाट पार्टीमा प्यानल बनाएर चुनाव नलड्ने नीति पारित गराएकाले अब उनले जे जे चाह्यो त्यही त्यही व्यक्ति मात्र एमाले नेतृत्वमा आउने छन् ।
अहिले ओलीको टार्गेटमा भीम रावल र घनश्याम भुसाल मात्र छन् । दुवैलाई १०औं महाधिवेशनपछि घरको न घाटको अवस्थामा पुर्याइदिने ओलीको तयारी छ । अन्य नेताहरू भने कोही ओली र कोही विष्णु पौडेलसँग बिलय भएका छन् ।
योगेश भट्टराई ओलीमा र गोकर्ण विष्ट पौडेलसँग बिलय भएका छन् । दुवैलाई फेरि एकपटक सचिवमा थन्क्याइदिने ओली पक्षको भित्री रणनीति छ ।
स्रोतका अनुसार ओलीले शंकर पोखरेललाई उपाध्यक्ष र विष्णु पौडेललाई महासचिव बनाउने तयारी गरेका छन् । त्यसले गर्दा पनि अहिलेसम्म कसैले पनि पदाधिकारीमा उम्मेदवारी घोषणा नगरेको बताइन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४