काठमाडौं – हरिबोधनी एकादशीको अवसरमा बराहपोखरीमा लाग्ने धार्मिक मेलाका अवसरमा खोटाङको बराहपोखरी र जन्तेढुंगा गाउँपालिकाले कात्तिक २८ र २९ गते अर्थात् आज र भोलि सार्वजनिक बिदा दिने निर्णय गरेका छन् ।

बराहपोखरीमा हरिबोधनी एकादशीका अवसरमा १ हप्ताासम्म मेला लाग्ने गरेको छ ।

खोटाङको प्रमुख व्यापारिक केन्द्र दिक्तेल बजारबाट दक्षिणीमा पर्ने धार्मिक तथा पर्यटकीयस्थल बराहपोखरीमा लाग्ने धार्मिक मेलालाई सभ्य र भव्य बनाउन २ दिन सार्वजनिक बिदा दिने निर्णय गरिएको सूचनामार्फत जनाइएको छ ।

बराहपोखरी मेलालाई व्यवस्थित बनाउन दुबै गाउँपालिका तथा बराहपोखरी विकास समितिका तर्फबाट स्वयंसेवक पनि खटाइएका छन् ।

मेलामा हुनसक्ने आपाराधिक घटनालाई न्यूनिकरण गर्न ईलाका प्रहरी कार्यालय चिसापानी र बराहपोखरी तथा सशस्त्र प्रहरी गुल्म चिसापानीबाट प्रहरी टोली परिचालन गरिएको प्रमुख जिल्ला अधिकारी (सीडीओ) फणिन्द्र दाहालले जानकारी दिए ।

बराहपोखरी मेलामा दिवंगत भएका आफ्ना आफन्तका नाममा सतबीज छर्ने, फूल तार्ने तथा धामीझाँक्री नाच्ने र दर्शन गर्न आउने भक्तजनका साथै अवलोकन भ्रमण गर्न आउने पर्यटकको भीड लाग्ने गरेको छ ।

चारैतिर घना जंगलले घेरिएको ३३० मिटर लम्बाइ र २१० मिटर चौडाइ क्षेत्रफलमा फैलिएको प्राकृतिक रुपले बनेको बराहपोखरीमा संसारकै दुर्लभ रातो माछा समेत पाइने गरेको छ ।

समुद्री सतहदेखि करीब १ हजार ३०० मिटर उचाइमा रहेको बराहपोखरीमा हरिबोधनी एकादशीसँगै रामनवमी, शिवरात्रि, बालाचतुर्दशी र माघे संक्रान्तिमा समेत मेला लाग्ने गर्छ ।

मेलामा उदयपुर, भोजपुर, धनकुटा, इलाम, ओखलढुंगा, सुनसरी, सप्तरी, सिरहा तथा भारत, चीन, भुटान लगायत क्षेत्रबाट दर्शनार्थी र भक्तजन आउने गरेका गाउँपालिकाले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अब नेपालमै पनि हप्तामा दुई दिन सरकारी बिदा !

भोलि सार्वजनिक बिदा दिने निर्णय (सूचनासहित)

आज सार्वजनिक बिदा

पुस २९ गते सार्वजनिक बिदा दिने निर्णय

आज शहीद दिवसको सार्वजनिक बिदा दिने निर्णय

ल्होसारको अवसरमा माघ २८, २९ र ३० गते सार्वजनिक बिदा