यसरी हुनसक्छ चैत–बैशाखमा संसदको मध्यावधि चुनाव, परराष्ट्रमन्त्री खड्काको खुलासा
यसरी हुनसक्छ चैत–बैशाखमा संसदको मध्यावधि चुनाव, परराष्ट्रमन्त्री खड्काको खुलासा
काठमाडौं – नेपाली कांग्रेसका नेता तथा परराष्ट्रमन्त्री नारायण खड्काले आगामी चैत–बैशाखमा संसदको मध्यावधि चुनाव हुनसक्ने बताएका छन् ।
शनिबार सञ्चारकर्मीसँग कुरा गर्दै मन्त्री खड्काले सबै दलहरूबीच सहमति जुटेमा चुनाव हुनसक्ने बताएका छन् ।
‘सबै दलहरूबीच सहमति जुटेमा चैत–बैशाखसम्म चुनाव हुनसक्छ । तत्कालै अर्ली इलेक्सनको कुरा छैन तर त्यसखाले वातावरण बन्यो र सबैलाई चुनाव गरौं भन्ने लाग्यो भने चैत–बैशाखसम्म होला । अहिलेसम्म अर्को वर्ष मंसिरमै गर्ने भन्ने छ तर राजनीतिमा सबै सम्भावनाहरु रहन्छन्,’ मन्त्री खड्काले भने ।
एमसीसी पारित गर्न दलहरूबीच साझा सहमति आवश्यक रहेको मन्त्री खड्काले बताएका छन् ।
उनले चुनावअघि नै नेपाली कांग्रेसको महाधिवेशन सम्पन्न हुने बताएका छन् । ‘चुनावअघि नै महाधिवेशन सम्पन्न गर्ने प्रतिबद्धता प्रधानमन्त्रीले जनाइसक्नुभएको छ । केही जिल्लामा अझै पनि वडा अधिवेशन सम्पन्न हुन सकेको छैन । साथीहरु अझै पनि अनसनमै हुनुहुन्छ,’ उनले भने, ‘सबै समस्याहरू सम्बोधन गरिसकेपछि चाँडोभन्दा चाँडो महाधिवेशन हुनेछ । मंसिरमा हुने सम्भावना देख्दिनँ । मेरो अनुमानमा पुसको अन्तिम वा माघको पहिलो हप्ता पुग्छ ।’
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४