काठमाडौं – स्थानीय तहका पदाधिकारीको कार्यकाल सकिने अवघि नजिकिँदै गर्दा आगामी स्थानीय तह चुनावमा उम्मेदवार बन्नेहरूले तयारी थालेका छन् ।

चुनावको तयारीका लागि कतिपयले पैसा जम्मा गरिसकेको चर्चा राजनीतिक वृत्तमा हुन थालेको छ ।

जनता समाजवादी पार्टी (जसपा) नेपालका अध्यक्ष उपेन्द्र यादवले राजविराजमा आयोजना गरिएको सप्तरीको विकास विषयक अन्तर्क्रिया कार्यक्रममा बोल्दै आवश्यक रकम जम्मा गरिसकेको भन्दै टिकट माग्नेहरु सम्पर्कमा आउन थालेका बताए ।

अध्यक्ष यादवले भने, ‘कतिपय वडाध्यक्षको टिकट देऊ, मैले ५० लाख जम्मा गरिसकेको छु भनिरहेका छन् । मेयरको टिकट माग्नेहरू १० करोड जम्मा गरिसकेको बताइरहेका छन् । कति इमान्दारी काम गरे, जनतासँग कति मिलेको छु भन्ने कुरा कसैले गर्दैनन् । सिधैं यति रकम जम्मा गरेको छु, टिकट दिनुस् भनिरहेका छन् ।’

अध्यक्ष यादवले दलीय आधारमा हुने चुनाव भ्रष्टाचारको जड रहेको बताएका छन् । ‘कुन जनप्रतिनिधिलाई चयन गर्‍यौं जनतालाई त्यो पनि थाहा नहुनु विडम्बना हो,’ उनले भने, ‘जनता जागरुक बन्नु जरुरी छ ।’

पैसाकै वरिपरि घुम्ने सोचलाई सुधार्नुपर्ने उनले बताए । ‘किन १० करोड लगाउँछ ? राजनीति किन गर्छ ?’ उनले भने, ‘यसअघिको राजनीतिमा हामी एउटा लक्ष्यमा काम गर्थ्यौं । लक्ष्यमा काम गर्दा ज्यान गए पनि पर्वाह हुन्नथ्यो भन्ने लाग्थ्यो तर अहिले राजनीति व्यापार भयो, पेशा रहेन । राजनीति धन्दा भइसक्यो । लगानी गरेर त्यो लगानी असुली गर्न खोज्छन् ।’

चुनाव जितेर माथिल्लो निकायमा जानेहरू पनि यस्तै धन्दामा लागिपरेका यादवले बताए । ‘यहाँबाट जितेर गएकाहरू माथि त्यस्तै धन्दा गर्छन् । माथि गएपछि केही नेताहरू आफ्नो व्यापार गर्न थाल्छन् । उनीहरू म सांसद हुँ मलाई खरिद गर भन्छन् अनि त्यहाँ मोलमोलाई हुन्छ,’ यादवले भने ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

तराई मधेसमा कोरोना भाइरस फैलाउँदै बाबुराम र उपेन्द्र

सरिता गिरीले बाबुराम र उपेन्द्रलाई दिइन् चेतावनी

ओलीले गणतन्त्र धरापमा पारे भनेर प्रचण्डले नै भन्न थालिसके : उपेन्द्र यादव

नेपालमा १० प्रदेश चाहिन्छ : उपेन्द्र यादव

उपेन्द्र यादवले मलाई चीनको इसारामा सांसदबाट हटाए : सरिता गिरी

केपी ओली महाराजले संकटकाल लगाउने तयारी गरेका छन् : उपेन्द्र यादव