काठमाडौं – असोज ३ गते नेपालको संविधान घोषणा भएको दिन राष्ट्रपतिबाट हुने कैदीको आममाफीमा अनौठा घटना सार्वजनिक भइरहेका छन् । 

राष्ट्रपति विद्यादेवी भण्डारीले ३ वटा विवाह गरेका वडाध्यक्षलाई आममाफी पाएर जेलबाट छुटाएको पाइएको छ । सल्यानको बनगाड कुपिण्डे नगरपालिका–९ का वडाध्यक्ष इन्द्रबहादुर कुमाई र उनकी कान्छी पत्नीले राष्ट्रपतिबाट माफी पाएका छन् ।

बहुविवाह गरेको आरोपमा वडाध्यक्ष इन्द्रबहादुर कुमाई  २०७७ मंसिर २० गते दाङबाट पक्राउ परेर जिल्ला कारागार सल्यानमा कैद भुक्तान गरिरहेको बेला आममाफी दिइएको छ ।

वडाध्यक्ष कुमाईले अर्काको पत्नी भगाएर तेस्रो विवाह गरेका हुन् । वडाध्यक्ष कुमाईले तेस्रो विवाह गरेकी भनिएकी महिला ग्वामी विष्टले पनि सँगै माफी पाएकी छन् ।

बहुविवाह गरेका वडाध्यक्षका दम्पतीसहित ७ जनालाई माफी दिइएको छ । संविधान दिवसको अवसरमा असल चालचलन भएका ७ जनालाई कैद सजाय मिनाहा भएको जिल्ला कारागार सल्यानले जनाएको छ ।

संविधानको धारा २७६ अनुसार विभिन्न कारणले कैद भुक्तान गरिरहेका कैदीहरुको चालचलनका आधारमा बाँकी कैद माफी दिने व्यवस्था छ । कैद मिनाहा हुनेमा ६ पुरुष र १ महिला रहेका जिल्ला कारागार सल्यानले जानकारी दिएको छ ।

माफी पाउनेमा बहुविवाहका ५, कर्तव्य ज्यानका १ र हातहतियार मुद्दाका १ रहेका जेलर बलबहादुर केसीले जानकारी दिए । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको राजनीतिमा राष्ट्रपतिको हस्तक्षेप, विद्यासँग वामदेवको शीतलनिवासमा गोप्य भेट

चिनियाँ रक्षामन्त्रीसँगको भेटपछि राष्ट्र्पति भण्डारीबाट आयो यस्तो अभिव्यक्ति

प्रचण्डलाई भेटेपछि विद्या भण्डारी भेट्न शितलनिवास पुगे ईश्वर पोखरेल, के पाक्दैछ खिचडी ?

विद्या भण्डारीका घटिया हर्कतले गणतन्त्रकै बदनाम भएको कांग्रेसको ठहर

विद्यादेवी भण्डारीको मुखबाट ओलीको यस्तो कुरा सुनेपछि प्रचण्ड चकित

ओली सरकारको सिफारिसमा राष्ट्रपति विद्यादेवी भण्डारीबाट २ अध्यादेश जारी