काठमाडौं – प्रमुख प्रतिपक्ष दल नेकपा एमालेले संसदमा गरिरहेको अवरोधबारे छलफल गर्न सोमबार बसेको सर्वदलीय बैठकमा सभामुख अग्निप्रसाद सापकोटाले आफूले अध्यक्ष केपी शर्मा ओलीसँग कुरा गर्न १ घण्टासम्म फोन ‘ट्राई’ गरेको बताएका छन् ।

सभामुख सापकोटाले पहलमा बसेको बैठकमा एमाले सहभागी नभएपछि बैठक निष्कर्षविहीन भएको छ ।

प्रमुख प्रतिपक्ष दल एमालेको उपस्थितिका लागि दलका नेता केपी शर्मा ओलीसँग फोन सम्पर्क नै हुन नसकेको जानकारी सभामुख सापकोटाले बैठकलाई दिएका छन् । सर्वदलीय बैठक आह्वानपछि आज सोमवार बिहान १ घण्टासम्म प्रयास गर्दा पनि ओलीलाई फोन सम्पर्क हुन नसकेको सभामुख सापकोटाले जानकारी गराएका छन् ।

‘ओलीजीको हटलाइनमा उहाँले १ घण्टासम्म सम्पर्क गर्ने प्रयास गर्नुभएछ । स्वीच अफ भएकाले सम्पर्क हुन सकेनछ,’ राष्ट्रिय जनमोर्चाकी सांसद दुर्गा पौडेलले भनिन् । कानून, न्याय तथा संसदीय मामिलामन्त्री तथा सरकारका प्रवक्ता ज्ञानेन्द्रबहादुर कार्कीले संविधानसभा अध्यक्ष सुवासचन्द्र नेम्वाङलाई सम्पर्क गर्दा उपस्थित हुन नसक्ने जानकारी दिइएको उनले बताएकी छन् ।

प्रमुख प्रतिपक्ष दल एमालेले ३ दिनदेखि गरिरहेको संसद् अवरुद्धका विषयमा बैठक भएकाले थप छलफल गर्ने गरी नेताहरू छुट्टिएका छन् । आगामी बैठकमा एमालेलाई समेत उपस्थित गराएर निष्कर्षमा पुग्ने सल्लाह भएको सांसद पौडेलले बताइन् ।

‘सदनको अवरोध खुलाउनका निम्ति बैठक बसेका थियौं । यो प्रमुख प्रतिपक्ष एमालेसँग सम्बन्धित थियो । एमाले नै सहभागी नभएपछि वास्तविक निष्कर्षमा पुग्न सकिएन,’ पौडेलले भनिन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?