आफूलाई सभापति देउवाभन्दा ठूलो सोच्न थाले उपसभापति निधि !
आफूलाई सभापति देउवाभन्दा ठूलो सोच्न थाले उपसभापति निधि !
काठमाडौं - नेपाली कांग्रेसका सभापति शेरबहादुर देउवा र उपसभापति विमलेन्द्र निधिबीच सामान्य संवाद पनि हुन छाडेको छ ।
लामो समय एउटै समूहमा रहेर राजनीति गर्दै आएका देउवा र निधिबीच आगामी १४औं महाधिवेशनमा नेतृत्वको विषयलाई लिएर तिक्तता उत्कर्षमा पुगेको हो ।
निधिले आफूलाई सभापतिमा सहयोग गर्न देउवालाई प्रस्ताव गरेका थिए । तर, देउवाले त्यसमा असन्तुष्टि जनाएका छन् । उनी पुनः एक कार्यकाल सभापतिमा दोहोरिन चाहन्छन् ।
अहिलेसम्म सभापतिमा दोहोरिन चाहेको उनले औपचारिक घोषणा गरेका भने छैनन् । तर, भित्रभित्रै तयारी तीव्र बढाइएको छ । निधिले भने सम्पर्क कार्यालय खोलेर महाधिवेशन केन्द्रित तयारी थालेका छन् ।
जब निधिले सभापतिमा उठ्ने औपचारिक घोषणा गरे, त्यसयता उनका लागि बुढानिलकण्ठको गेट बन्द भएको छ ।
स्रोतका अनुसार निधि र सभापति देउवाबीच पार्टी महाधिवेशनका विषयमा छलफल नै हुन छाडेको छ । देउवा प्रधानमन्त्री भएपछि बालुवाटारमा बस्छन् । पार्टीको बैठक बुढानिलकण्ठमा बस्छ । ‘उहाँले सभापतिमा उठ्ने घोषणा गरेपछि अहिलेसम्म पार्टीको विषयमा कुरा गर्न बालुवाटारमा आउनु भएको छैन । किन नआउनु भएको हो थाहा छैन,’ देउवा निकट एक नेताले भने ।
देउवालाई सजिलोभन्दा पनि कसरी अप्ठेरा बनाउने भन्नेमा निधिको ध्यान केन्द्रित भएको छ । उनले देउवाको गृहजिल्ला डडेल्धुरामा वडा तहको अधिवेशन विवादमा कर्णबहादुर मल्ललाई उचालेर समस्या झन् झन् पेचिलो बनाएको बुढानिलकण्ठको बुझाई छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४