माधव नेपाल विनाको एमाले बैठकले गर्यो यी निर्णय
माधव नेपाल विनाको एमाले बैठकले गर्यो यी निर्णय
फाइल तस्वीर
काठमाडौं – नेकपा एमाले विभाजन भएर नेता माधवकुमार नेपाल छुट्टै हिँडेपछि अब पार्टी महाधिवेशन केन्द्रित भएको छ ।
अध्यक्ष केपी शर्मा ओलीको अध्यक्षतामा तटस्थ रहँदै आएका स्थायी कमिटी सदस्यसहितको स्थायी कमिटी बैठकले वडादेखि केन्द्रसम्मका अधिवेशनको मिति तोकेको छ ।
ओली नेतृत्वको एमालेमा वरिष्ठ नेता झलनाथ खनाल, माधव नेपाल, बामदेव गौतम सहभागी छैनन् ।
एमाले विभाजित गरेर नेता नेपाल पक्षले नयाँ पार्टी नेकपा एकीकृत समाजवादी दर्ताका लागि निर्वाचन आयोगमा निवेदन दिएका छन् । तर उनीपक्षीय नेताहरूले नै उनलाई साथ दिएनन् ।
बैठकले विभाजनको प्रक्रियाबाट फर्केर पार्टीमा क्रियाशील हुन नेता नेपालसहित सबैलाई आग्रह गरेको प्रवक्ता प्रदीप ज्ञवालीले जानकारी दिए ।
बैठकले पार्टीका सबै संरचनाहरूलाई मूलभूत रूपमा २०७५ जेठ २ गतेअघि फर्काएको छ तर नेकपा एकताबाट एमालेमा निरन्तरता दिएका पूर्व माओवादी नेता कार्यकर्ताको हकमा यथावत जिम्मेवारी रहेको जनाइएको छ ।
पार्टीमा १० बुँदे सहमति कार्यान्वयनका सन्दर्भमा देखापर्ने समस्या समाधान गर्न महासचिव ईश्वर पोखरेल सहितको ७ सदस्यीय कार्यदल गठन गरिएको छ भने माधव पक्ष छाडेका केन्द्रीय सदस्य सहितको पहिलो बैठक भदौ १० गते बस्ने जनाइएको छ ।
पार्टीको विधान महाधिवेशन असोज ४, ५ र ६ गते हुने भएको छ । कात्तिक ६ गते देशभरका वडा अधिवेशनको मिति तय भएको छ भने कात्तिक ९ गते स्थानीय तहका अधिवेशन हुने भएका छन् ।
एमालेको दशौं राष्ट्रिय महाधिवेशन मंसिर १०–१३ गतेसम्म आयोजना हुने भएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४