ओली सरकारकै पालामा भयो कोरोनाको खोप खरिदमा यत्रो गडबडी !
ओली सरकारकै पालामा भयो कोरोनाको खोप खरिदमा यत्रो गडबडी !
फाइल तस्वीर
काठमाडौं - प्रधानमन्त्रीबाट पदमुक्त भएर बालकोट आएपछि एमाले अध्यक्ष केपी ओलीले भनेका थिए– ‘अहिलेको सरकारले खोप किन्नै पर्दैन, सबै नेपालीलाई मेरै पालामा खोप खरिद भइसकेको छ ।’ ओलीको यो अभिव्यक्तिलाई धेरैले सामान्य रूपमा लिए ।
तर ओली सरकारले महँगोमा एक करोड डोज खोप खरिद गरेको बुझिएको छ । चीनले नेपाललाई अनुदान र खरिद गरेको दुवै खोप पठाउँदै आएको छ । अनुदानका सबै र खरिद गरेको ४० लाख डोज भेरोसेल खोप पनि नेपाल आइपुगेको छ ।
सरकारले आगामी साता चीनबाट थप ६० लाख डोज खोप ल्याउँदैछ । त्यसका लागि स्वास्थ्य राज्यमन्त्री उमेश श्रेष्ठले नेपाल एयरलाइन्सको वाइडबडी जहाज चार्टर गर्न निर्देशन दिइसकेका छन् ।
पहिले आइसकेको ४० लाख र अब आउन लागेको ६० लाख डोज खोप ओली सरकारकै पालामा कमिसनकै लागि महँगोमा खरिद गरिएको स्वास्थ्य सेवा विभाग स्रोतले मिडियाडबलीलाई बताएको छ ।
एक करोड भेरोसेल खोप खरिद गर्ने बेलामा ओली सरकारको पालामा निकै लफडा भएको थियो । १९ दिन स्वास्थ्यमन्त्री बनेका शेरबहादुर तामाङले प्रतिडोज १६ अमेरिकी डलरमा खोप खरिदको सम्झौता गरेको स्रोतले बताएको छ ।
जबकि चीन सरकारले प्रतिडोज १२ डलरमै खोप उपलब्ध गराउने तयार रहेको जनाएको थियो । तर, खोपको मूूल्य सार्वजनिक हुँदा कमिसनको विषय बाहिर आउने भएकाले दुवै पक्षले मूल्य सार्वजनिक नगर्ने सहमति गरेको स्वास्थ्य मन्त्रालय स्रोतले जनाएको छ ।
ओली सरकारले खोप खरिदमा राम्रै कमिसन खाए पनि वर्तमान सरकारले ताकेता गरेरै सबै खोप चाँडै ल्याएर नागरिकलाई लगाइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४