कञ्चनपुर – नेपाली कांग्रेसका केन्द्रीय सदस्य एनपी साउदले आरक्षपीडितका समस्या समाधानका लागि प्रधानमन्त्री शेरबहादुर देउवासँग कुरा गर्ने बताएका छन् ।

कञ्चनपुरको कृष्णपुर नगरपालिकामा मंगलबार आयोजित कार्यकर्ता भेलालाई सम्बोधन गर्दै नेता साउँदले लामो समयदेखि क्यान्सजस्तै बनेको आरक्षपीडितका समस्याका समाधानका लागि आफ्नो ध्यानाकर्षण भएको उल्लेख गर्दै प्रधानमन्त्रीसँग कुरा गर्ने बताएका हुन् । 

उनले आरक्षपीडिका समस्या समाधानका लागि आफू प्रतिबद्ध भएकोले तत्काल यो समस्या समाधान गरिने बताएका छन् ।  उनले भने, हामीले गछौं भनेर पहिले पनि भनेका छौं । भोलि पनि हामीले नै गर्नुपर्ने हो । तर, एमालेको बहकाइमा हामीले आउनु पर्ने छैन । साढे तीन वर्षसम्म झिँगा नमार्नेहरुले अब आरक्षको समस्या समाधान गर्ला ? केन्द्रमा सरकार बदलिसकेपछि विभिन्न प्रलोभनहरु देखाएर बहकाउने काम गरिरहेका छन् । त्यस्ता हल्लाको पछि नलाग्नु होला । 

उनले कसैले १० कठ्ठा दिने र कसैले ६० लाख रुपैयाँ दिने प्रलोभन देखाएको भन्ने सुनेको उल्लेख गर्दै त्यस्ता भ्रमको भण्डाफोर गर्न पनि नेता साउँदले कार्यकर्तालाई निर्देशन दिएका छन् । 

उनले भने, साढे तीन वर्षसम्म गर्छु भनेर बोलेको कुरा नगरेपछि अहिले जाउँजाउँ भन्ने बेला जस लिनका लागि भ्रम फैलाइरहेका छन् । यो कुरा हास्यास्पद छ, झुटा छ भन्ने कुरालाई हाम्रो पार्टी साथीहरुले गाउँ गाउँसम्म लैजानुपर्छ । 

एमालेले नागरिकहरुलाई विभिन्न अपेक्षा देखाएर आरक्षपीडितहरुलाई धोका दिएको आरोपसमेत लगाएका छन् । उनले भने, उनले (एमालेले) आरक्षपीडितका समस्या समाधान गछौं भनेर जनतालाई धोका दिएका छन् । जनतालाई झुट बोलेका छन् । साढे तीन वर्षभन्दा बढी सरकार चलाउँदा केही गर्न नसक्ने । आरक्षपीडितहरुलाई कसरी व्यवस्थित गर्नुपर्ने हो, त्यसको लागि हामी व्यवस्था गछौं । 

गुटबन्दीमा नलाग्न पनि उनले कार्यकर्तालाई निर्देशन दिएका छन् । उनले भने, 'गुटगत राजनीतिले पार्टीलाई अगाडि बढाउँदैन । पार्टीका लागि योगदान गरेका र अगाडि जानुपर्ने साथीहरुलाई अगाडि बढाएर, अर्को साथीलाई अर्कोपटक व्यवस्थापन गर्नुपर्ने गरि सल्लाह गरेर अघि बढ्न आग्रह गर्दछु । सबैलाई समेटेर र कार्यकर्तालाई परिचालन गरेर अघि बढ्नु पर्दछ ।'

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग