भीम रावलको नयाँ बोली : एमसीसी सम्झौताका सबै कागजात सदनमा पेश होस्
भीम रावलको नयाँ बोली : एमसीसी सम्झौताका सबै कागजात सदनमा पेश होस्
काठमाडौं – नेकपा एमालेका उपाध्यक्ष तथा सांसद भीम रावलले अमेरिकी सहायता परियोजना एमसीसीका सबै सम्झौता सदनमा पेश गर्न माग गरेका छन् ।
आज शुक्रवार संसदको विशेष समयमा बोल्दै रावलले एमसीसी सम्झौता सदनबाट अनुमोदन नहुँदै गोप्य रुपमा अन्य सम्झौता भएकाले एमसीसीका सम्पूर्ण कागजात सदनमा जानकारी हुनुपर्ने बताए ।
एमसीसी सम्झौताबारे पुरक सम्झौता नेपाली जनता र सदनले जानकारी पाउनैपर्ने रावलले बताएका छन् ।
रावलले संसद बैठकमा भने, ‘हामी कुनै पनि देशबाट कुनै रकम लिएर नेपाली भूमिलाई कम्पनीको नाममा कुनै देशको अधिनमा जाने कुरा हामीलाई स्वीकार्य हुने छैन । यसका कागजात सदनमा पेश हुनुपर्छ ।’
नेपालले असंलग्न परराष्ट्र नीति अंगालेकाले कुनै पनि रणनीतिक कार्यक्रममा संलग्न हुन नहुने रावलले बताए । उनले भने, ‘अमेरिकी मन्त्रीहरुले यसलाई हिन्द प्रशान्त रणनीतिको कार्यक्रम भनेका छन् । उनीहरुको व्याख्या आधिकारिक हुन्छ कि हाम्रो व्याख्या आधिकारिक ? नेपाल यस्ता कार्यक्रममा संलग्न हुनु हुँदैन ।’
नेता रावलले नेपालमा उठ्न बाँकी राजस्व संकलन गरेर अघि बढ्नुपर्ने बताएका छन् । ‘देशको सार्वभौम सत्ता, स्वाभिमान ओझेलमा पर्ने गरी सन्धिसम्झौता नगरौं । सरकार नै यस्ता कुरामा अग्रसर नबनोस्,’ रावलले भनेका छन् ।
संसदबाट सम्झौता अनुमोदन नभई एमसीसीको कार्यालय खुल्ने, जग्गा अधिग्रहण गर्ने काम अगाडि बढेकोप्रति सांसद रावलले आपत्ति जनाएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४