काठमाडौं- हिजो (आइतबार) कर्णाली प्रदेशका सांसदले मुख्यमन्त्रीमाथि अविश्वासको प्रस्ताव पेश गरेको कुराले अहले नेकपाभित्र तरंग मच्चिएको छ । 

यसबीच नेकपा स्थायी कमिटी सदस्य भीम रावलले पार्टीभित्र अनिष्टको संकेत देखिएको बताएका छन् । 

उनले पार्टी स्थायी कमिटीको निर्णयविपरीत हठातमा कर्णालीका मुख्यमन्त्रीविरुद्ध अविश्वासको प्रस्ताव आउनुले पार्टीभित्र अनिष्ट हुने देखिएको बताएका हुन् ।

नेता रावलले अहिलेको विषयमा तत्काल नेतृत्वको ध्यानाकर्षण हुनु जरुरी रहेको बताएका छन् । 

उनले सोमबार दिउँसो सामाजिक सञ्जालमार्फत भनेका छन्,  ‘नेकपा स्थायी समितिले विधि र पद्धतिमा जोड दिँदै संघीय र प्रदेश सरकारमा हेरफेर गर्ने निर्णय गरेको थियो। निर्णय कार्यान्वयन नहुँदै कर्णाली प्रदेशका मुख्यमन्त्रीविरूद्ध पार्टीकै सांसदहरूले प्रस्ताव दर्ता गर्नु अनिष्टको संकेत हुन सक्छ।समयमै नेतृत्वको गम्भीर ध्यान जाओस्। देशहित ठूलो हो ।’

यसबाहेक नेपाल कम्युनिष्ट पार्टी नेकपामा अध्यक्ष पुष्पकमल दाहाल ‘प्रचण्ड’ले अर्का अध्यक्ष एवम् प्रधानमन्त्री केपी शर्मा ओलीलाई भेटेर कर्णाली प्रदेशमा भएको घटनाप्रति ध्यानाकर्षण समेत गराएका छन्।

सामेबार बिहान बालुवाटारमा भेटेर प्रचण्डले कर्णालीमा जे भयो त्यो राम्रो नभएको भन्दै प्रधानमन्त्रीले त्यसलाई मिलाउनुपर्ने बताएका हुन्।

करिब ७० मिनेट भएको कुराकानीमा मुख्यतया कर्णाली प्रदेशमा आइतबार मुख्यमन्त्री महेन्द्रबहादुर शाहीविरुद्ध दलकै १८ सांसदले दर्ता गराएको अविश्वासको प्रस्तावमा केन्द्रित भएर छलफल भएको थियो।

‘अहिले कर्णालीमा जे भयो त्यो राम्रो भएन,’ प्रचण्डले ओलीलाई भनेका थिए, ‘यसले पार्टी एकता र अगाडि बढ्नका लागि पनि राम्रो गर्दैन् । यो पार्टी एकताको मर्मविपरित हुन्छ ।’ पछिल्लो समयका लगातारका टकरावकाबीच ओलीपक्षको पछिल्लो कदमले नेकपाको एकता भाँडिन सक्ने संकेत गराएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?