राजनीतिक बिशेष
भीम रावलको ओलीलाई काउन्टर अट्याक, नेकपामा बबन्डर
भीम रावलको ओलीलाई काउन्टर अट्याक, नेकपामा बबन्डर
काठमाडौं - दुई राजदूत नियुक्ति सिफारिसको विषयलाई लिएर सत्तारुढ नेकपामा बबन्डर सुरु हुने संकेत देखिएको छ ।
पार्टी निर्णय दुई सातामै प्रधानमन्त्री केपी ओलीले च्यातचुत पारिदिएपछि नेताहरू तीव्र असन्तुष्ट बनेका छन् । यही विषयका कारण नेकपाका कार्यकारी अध्यक्ष पुष्पकमल दाहाल प्रचण्डले प्रधानमन्त्री ओलीलाई भेट्नसमेत चाहेका छैनन् ।
दोस्रो तहका नेताहरू पनि ओलीसँग आक्रोशित भएका छन् । सधैं एउटै व्यक्तिलाई नियुक्ति र अवसर दिएको भन्दै कार्यकर्ता तहसम्म आक्रोश सुरु भएको छ ।
यसैक्रममा नेकपाका स्थायी कमिटी सदस्य भीम रावलले अन्तरपार्टी निर्णय उल्लंघन भएमा संकटको पुनरावृत्ति हुनसक्छ भन्दै प्रधानमन्त्री ओलीलाई त्यसो नगर्न चेतावनी दिएका छन् ।
बिहीबार मन्त्रिपरिषद्को बैठकले डा. युवराज खतिवडालाई अमेरिका र लोकदर्शन रेग्मीलाई बेलायतको राजदूतका लागि नियुक्त गर्ने सिफारिस गरेपछि रावलले सामाजिक सञ्जालमार्फत चेतावनी दिएका हुन् ।
‘नेकपामा आन्तरिक द्वन्द्व र मतभेद चर्केको बेला समस्या समाधान गर्न गत भदौ २६ गते नेकपा, स्थायी कमिटीले निर्णय गरी अध्यक्षद्वयको हस्ताक्षरका साथ भदौ २९ गते जारी अपानि निर्णयहरूको उल्लंघन भएमा संकटको पुनरावृत्ति हुनसक्छ।देश,जनता र पार्टीहितमा आघात पर्नसक्छ।
जिम्मेवारहरूको ध्यान जाओस्,’ रावलले लेखेका छन् । सार्वजनिक रूपमै नेताहरूले प्रधानमन्त्रीको निर्णयमा आपत्ति जनाएपछि नेकपामा बबन्डर देखिने भएको हो । अझ कार्यकारी अध्यक्ष प्रचण्ड, वरिष्ठ नेता माधवकुमार नेपाललगायतको आधिकारिक धारणा आएको छैन । पार्टी बैठकमै ओलीलाई र्याखर्याख्ती पार्ने रणनीतिमा उनीहरू रहेको बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४