क्यानडा - प्रधानमन्त्री जस्टिन ट्रुडोलाई चीन सरकारले सिन्जियाङका अल्पसंख्यक उइगरहरुमाथि गरेको उत्पीडनलाई नरसंहार घोषणा गर्न माग गरेका छन् । राजधानी ओटावास्थित प्रधानमन्त्री कार्यालय अगाडि करिब २०० मुस्लिम उइगरहरुले प्रदर्शन गरेका हुन् ।

उनीहरुले क्यानडा सरकारलाई चीनमा भएको उइगर उत्पीडनलाई नरसंहारको संज्ञा दिन माग गरेका हुन् । राजधानी ओटावामा उनीहरुले विगत १५ दिनदेखि आन्दोलन गरिरहेका छन् । विभिन्‍न संगठनहरुले हस्ताक्षर गरेको संयुक्त विज्ञप्ति उनीहरुले प्रधानमन्त्री ट्रुडोलाई बुझाएका छन् । 

उनीहरुले क्यानडा सरकार र ओलम्पिक कमिटीलाई पनि बेइजिङमा सन् २०२२ मा हुने विन्टर ओलम्पिक बहिष्कार गर्न पनि आग्रह गरेका छन् ।

क्यानडाका ३३ जना सांसद्हरुले भने चिनियाँ उइगर उत्पीडनलाई नरसंहारको संज्ञा दिन नहुने बताएका छन् । प्रदर्शनकारीहरुले भने ती ३३ जना सांसदको पनि विरोध गरेका छन् । उनीहरु चीनसँग मिलेर मानवअधिकार उल्लंघनलाई बढावा दिन लागेको भन्दै विरोध पनि भइरहेको छ । 

यसअघि अमेरिकी तत्कालीन विदेशमन्त्री माइक पोम्पिओले पनि चीनले सिन्जियाङमा उइगरहरुमाथि नरसंहार गरेको बताएका थिए । चीन सरकारले सिन्जियाङमा करिब १० लाख मानिसहरुलाई गैरकानुनी हिरासतमा राखेको छ । 

उनीहरुलाई जबरजस्ती श्रममा लगाउने, यौन शोषण गर्ने, यातना दिनेलगायतका गतिविधिहरु भइरहेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।