काठमाडौं - निर्वाचन आयोगले जसपाको आधिकारिकता उपेन्द्र यादव पक्षलाई दिएपछि अहिले महन्थ ठाकुर र राजेन्द्र महतो पक्षमा पूरै सन्नाटा छाएको छ । ५१ सदस्यीय कार्यकारिणी समितिमा उपेन्द्रले कसरी आफ्नो पक्षमा (३४जना) बहुमत जुटाए भन्ने तथ्य विस्तारै खुल्दै गएको छ ।

ठाकुर पक्षबाट अन्तिम समयमा राजकिशोर यादव, मनिष सुमन, गोविन्द चौधरी, नरमाया ढकालले साथ छाडेका थिए । उनीहरूले यसरी कित्ता परिवर्तन गर्लान् भन्ने ठाकुर र महतोले कल्पनासमेत गरेका थिएनन् ।

तर, समानुपातिक सांसद नरमाया ढकालले उपेन्द्र यादवलाई साथ दिनुको रहस्य आफ्नो दाजुको पदमा थमौती रहेको खुलेको छ । स्रोतका अनुसार ढकाललाई जसपाका बरिष्ठ नेता राजेन्द्र महतोले समानुपातिक सांसदमा मनोनीत गरेका थिए ।

जग्गा कारोबारमा अकूत सम्पत्ति कमाएपछि सांसद बन्ने उनको रहर महतोले पूरा गरिदिएका थिए । महतोलाई सहयोग गरी उनी सांसद भएकी थिइन् । अन्तिममा आएर उनले उपेन्द्रलाई साथ दिइन् ।

प्रधानमन्त्री शेरबहादुर देउवा सरकारमा जसपा सहभागी हुँदैछ । नरमायाले जसपा अध्यक्ष यादवसमक्ष पशुपति विकास कोषका सदस्य सचिव प्रदीप ढकालको म्याद सकिन लागेकाले उनलाई निरन्तरता दिने सर्त राखेको र यादवले ढकाललाई निरन्तरता दिने सर्त स्वीकार गरेकाले उनले ठाकुर र महतोलाई छाडेर उपेन्द्रलाई साथ दिन पुगेको स्रोतले बताएको छ ।

प्रदीप ढकाल सांसद नरमायाका दाजु हुन् । उनको पदावधि आगामी साउन ३० गते सकिँदैछ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बाबुरामका भाइको घरमा जसपाको गोप्य भेला, के पाक्दैछ खिचडी ?

बाबुरामको पार्टीले माग्यो रेशम चौधरीको रिहाइ

संविधान दिवसमा जसपाले गर्याे उल्टाे निर्णय, देश हल्लाउनसक्ने संकेत

ओलीका विषयमा जसपाका अध्यक्षले गरे गम्भीर खुलासा

जसपाको संघीय परिषद अध्यक्ष बने डा. बाबुराम भट्टराई

जसपाले उठयो गम्भीर कदम, ओली सरकारको खेल खतम !