काठमाडौं – नेकपा एमालेमा जारी विवाद समाधानका लागि आईतबार मध्यराति भएको सहमतिमा नेता माधवकुमार नेपालले असन्तुष्टि व्यक्त गरेका छन् ।

नेता नेपाल पक्षीय कार्यदल संयोजक भीम रावलले हतारहतार र अस्पष्ट सहमति गरेकोप्रति नेपालले असन्तुष्टि जनाएका हुन् ।

सञ्चारमाध्यमलाई प्रतिक्रिया दिँदै नेता नेपालले रातारात सहमति गर्नुपर्ने कुनै हतारो नरहेको स्पष्ट पारेका छन् ।

प्रतिनिधिसभा विघटनविरुद्ध सर्वाेच्च अदालतमा विचाराधीन मुद्दालाई प्रभावित गर्न अस्पष्ट सहमति गरिएको र त्यसको अपव्याख्या भइरहेको नेपालले बताएका छन् । सहमतिमा पार्टीमा विवादित बनेका राजनीतिक र सांगठनिक कामकारवाही स्वतः बदर हुने भनिएको छ । तर अदालतमा गरिएका हस्ताक्षर फिर्ता हुने कि नहुने स्पष्ट लेखिएको छैन । यस्तो बेला नेता नेपालले भनेका छन्, ‘अदालतलाई प्रभावित बनाउने सहमति च्यातिन्छ ।’

यसअघि राति सत्तारुढ दल नेकपा एमाले भित्रको विवाद टुंग्याउने उद्देश्यले गठित कार्यदलमा सहमति जुटेको थियो । आईतवार मध्यरातिसम्म बसेको कार्यदलको बैठकमा १० बुँदे सहमति भएको नेता माधवकुमार नेपाल पक्षीय उपाध्यक्ष भीम रावलले बताएका छन् ।

रावलका अनुसार कार्यदल बैठकमा १० बुँदे सहमति पत्रमा हस्ताक्षर भएको छ । सहमतिपत्र नेतृत्व तहमा पेश गरिने नेता रावलले जानकारी दिए ।

सहमतिको १ नम्बर बुँदामा पार्टीभित्रका अन्तरविरोधहरूलाई पार्टीभित्रै विधिसम्मत ढंगले समाधान गर्दै अघि बढ्न हामी सहमत भएको उल्लेख छ । नेपाली कम्युनिस्ट पार्टी (नेकपा) गठन हुनुपूर्व २०७५ जेठ २ गतेको (जेठ ३ गतेको केन्द्रीय कमिटी सदस्यहरू मनोनयन गर्ने निर्णयसहित) संगठनात्मक अवस्थाबाट क्रियाशील हुने जनाइएको छ । 

सहमतिसँगै २०७७ फागुन २३ गते सर्वोच्च अदालतको फैसलाबाट नेकपा एमाले पुनर्जीवित भएपछिका पार्टीको वैधानिक व्यवस्था तथा एकतासँग मेल नखाने कुनै पनि तर्फका राजनीतिक र संगठनात्मक काम कारवाहीहरू स्वतः बदर भएका छन् ।

सहमतिमा २०७७ फागुन २३ गतेको सर्वोच्च अदालतको फैसलापछि नेकपा एमालेमा रहनेहरूको निर्णयलाई स्वागत गर्दै नेपाल कम्युनिस्ट पार्टी (नेकपा) मा रहँदा स्थायी कमिटी र केन्द्रीय कमिटीमा रहेकाहरूलाई सोही कमिटीको सदस्यको जिम्मेवारी निर्धारण गरिएको छ । अन्यलाई नेकपामा रहँदा सरहको कमिटीमा संगठित गरिने भनिएको छ ।

प्रतिनिधिसभा विघटनसम्बन्धी सर्वोच्च अदालतमा विचाराधीन मुद्दा र सरकारका सम्बन्धमा पार्टी एकताको मर्म र भावनाका आधारमा विधिसम्मत तथा संस्थागत निर्णय अनुरूप अगाडि बढ्ने सहमतिमा उल्लेख गरिएको छ ।

पढ्नुहोस् सहमतिको पूर्णपाठ –

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?