काठमाडौं – बुधबार बिहानैदेखि मेलम्ची र ईन्द्रवती नदीमा आएको बाढीका कारण आक्रान्त बनेको सिन्धुपाल्चोकको मेलम्ची बजारमा फेरि अर्काे खतरा देखिएको छ ।

सरकार मातहतको बाढी पूर्वानुमान शाखाले आकस्मिक सूचना जारी गर्दै पहिरोबाट नदीमा लेदो बग्ने सम्भावना रहेकाले सतर्क हुन अनुरोध गरेको छ ।

नदीमा लेदो बगेर तटीय क्षेत्रमा आउने भएकाले मेलम्ची बजार लगायत तल्लो तटीय क्षेत्रमा सतर्कता अपनाउन शाखाले अनुरोध गरेको छ ।

साँझ ७ः३० बजे ट्विटरमा जारी सूचनामा उल्लेख छ, ‘सिन्धुपाल्चोकस्थित शेर्माथाङ्ग र धाप वर्षामापन केन्द्रमा पछिल्लो ६ घण्टामा मध्यमदेखि भारी वर्षा भएको छ । सो क्षेत्रमा असार १ गते पहिरो गएकाले, लेदो बग्ने सम्भावना भएकाले मेलम्ची बजार लगायत तल्लो तटीय क्षेत्रहरुमा सतर्कता अपनाऔं ।’

सिन्धुपाल्चोकमा वर्षाैपिच्छे एकपछि अर्काे विपत्ति आइराख्दा समेत सरकारले पूर्व तयारी गर्न सकेको छैन । जसले गर्दा जनताको जनधनको क्षति भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता स्व. कृष्णप्रसाद भट्टराईको सपना पूरा हुँदै, आजदेखि घरघरमा मेलम्चीको पानी

मेलम्चीमा हरुवा कांग्रेसलाई लखेट्ने यस्तो छ तयारी, महाधिवेशन विरोधीलाई ठेगान लगाइने

मेलम्चीको ठेक्का पाएको चिनियाँ कम्पनीले पुनर्निमार्णको कामै गर्न सकेन

थापाथलीमा मेलम्चीको पाइप फुट्दा केही पसलमा पानी पस्यो