काठमाडौं - माओवादी केन्द्र छाडेर एमाले प्रवेश गर्ने बेला गृममन्त्री रामबहादुर थापा बादलको चार्म बेग्लै थियो । पुष्पकमल दाहाल प्रचण्डको शेखी झार्न प्रधानमन्त्री केपी ओलीले बादलको सहारा लिएका थिए ।

टोपबहादुर रायमाझी, लेखराज भट्ट, मणि थापा, प्रभु साह, गौरिशंकर चौधरीलगायतलाई प्रचण्डबाट अलग्याएर ओलीले ठूलै सफलता हासिल गरेका थिए । अहिले ती माओवादी केन्द्र छाडेर जाने नेताको मन्त्री पद त कायम छ, तर सांसद पद छैन ।

आगामी दिनमा पनि उनीहरूले टिकट पाउने र जितेर आउने भन्ने कुरा त आकाशको फल जस्तै हुने राष्ट्रिय सभा सदस्य उपनिर्वाचन प्रकरणले पुष्टि गरेको छ ।

०७४ सालको निर्वाचनमा माओवादी केन्द्रका तर्फबाट बादल बागमती प्रदेशबाट निर्वाचित भएका थिए । पछि एमालेमा प्रवेश गरेका थापाको सांसद पद गुमेकाले आगामी जेठ ६ गते उपनिर्वाचन हुन लागेको हो ।

खाली भएको यो क्षेत्रमा एमालेले बादललाई नै पुनः उम्मेदवार बनाउन चाहेको छ । तर, जित्ने ग्यारेन्टी नभएसम्म बादलले आफू चुनाव नउठ्ने भनेर बालुवाटारमा बबाल मच्चाएका छन् ।

माओवादी केन्द्रले बादललाई राष्ट्रिय सभा सदस्य पदबाट निलम्बन गरेपछि प्रधानमन्त्रीले उनको स्थानमा उपचुनाव गर्ने निर्णय गरेका थिए । सोही अनुसार जेठ ६ गते राष्ट्रिय सभा सदस्यको उपनिर्वाचन हुँदैछ ।

त्यसका लागि आज उम्मेदवारी मनोनयन दर्ता गर्ने दिन तोकिएको छ । तर, विपक्षी संयुत्तः गठबन्धनले एमालेका युवा नेता खिमलाल देवकोटालाई साझा उम्मेदवार बनाउने निर्णय गरेपछि बादलले हार्ने चुनाव नलड्ने भनेर बालुवाटारमा बबाल गरेको बुझिएको छ ।

सोही कारण आज एमालेको स्थायी कमिटी बैठक डाकिएको छ । स्थायी कमिटीले बादलको ठाउँमा अर्को उम्मेदवार खडा गर्ने बुझिएको छ । राजनीतिमा लागेपछि जितहार त हुने नै गर्छ ।

तर, जित्ने निश्चित नभएसम्म चुनावमा उठ्दिनँ भन्नुको मतलव बादललाई एमालेका जनप्रतिनिधिको मत जाँदैन भन्ने सन्देश पनि दिन खोजिएको छ । भोलिका दिनमा टोपबहादुर, लेखराज भट्ट, प्रभु साहलगायतको नियति पनि बादलकै जस्तो हुने निश्चित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बादलले सम्हालेको गृह मन्त्रालयअन्तर्गतको अध्यागमन विभागले बनायो महिला स्वतन्त्र भएको देख्न नसक्ने कानुन

गृहमन्त्री बादलको कोटाका मान्छे राष्ट्रपतिबाट बर्खास्त, ओलीसँग सम्बन्ध बिग्रिएको हो ?

गृहमन्त्री बादलको हातमा पर्‍यो प्रचण्डको पत्र !

गृहमन्त्री बादल बर्खास्त

केपी ओली र विद्या भण्डारीबाट बादललाई तुरुन्तै अर्काे नियुक्त

बादलको दौरासुरुवाल अवतार, ओलीकै पदचाप पछ्याउँदै