काठमाडौं – नेकपा माओवादी केन्द्र पार्टी छाडेर नेकपा एमालेतिर लागेका गृहमन्त्री रामबहादुर थापा ‘बादल’ बर्खास्त भएका छन् ।

माओवादी केन्द्रले पार्टी परित्याग गरेको आरोपमा थापालाई सांसद पदबाट बर्खास्त गरेको हो । यो निर्णय कार्यान्वयन भएसँगै थापा मन्त्री पदबाट समेत हट्ने भएका छन् ।

थापासँगै नेता चन्द्रबहादुर खड्कालाई समेत सांसद पदबाट हटाएको जानकारी संसद् सचिवालयमा माओवादी केन्द्रले गराएको छ । 

आज शुक्रवार माओवादी केन्द्रले संघीय संसद् सचिवालयमा राष्ट्रिय सभाका सदस्य रहेका गृहमन्त्री बादल र नेता खड्कालाई पार्टीले सांसद पदबाट हटाएको जानकारी गराएको छ ।

माओवादी केन्द्रका नेता तथा राष्ट्रिय सभाका सदस्य दीनानाथ शर्माका अनुसार पार्टीले नेता थापा र खड्कालाई सांसद पदबाट हराएको जानकारी संसद सचिवालयमा गराएको छ ।

सदन चलेको अवस्थामा पार्टीले सांसदलाई कारवाही गरेको विषयमा जानकारी गराउनुपर्ने र सदन नचलेको अवस्थामा १५ दिनभित्र सूचना टाँस गरेर जानकारी दिनुपर्ने कानूनी व्यवस्था रहेको नेता शर्माले बताए ।

‘रामबहादुर थापा र चन्द्रबहादुर खड्का दुबै जना पार्टीको तर्फबाट राष्ट्रियसभा सदस्य नरहेको निर्णय संसद सचिवालयमा जानकारी गराएका छौं,’ उनले भने, ‘दलको तर्फबाट जानकारी प्राप्त भएपछि हाउस सञ्चालन भएको भए त्यहीँ जानकारी गराउने र हाउस सञ्चालन नभएको अवस्थामा १५ दिनभित्र सूचना टाँसेर उहाँहरूको संसद सदस्य पद नरहेको जानकारी सचिवालयले गराउनुपर्छ ।’ सचिवालयले सूचना प्रकाशित गरेपछि सांसद पद रहने छैन ।

नेकपा एमाले अध्यक्ष तथा प्रधानमन्त्री केपी शर्मा ओलीले गृहमन्त्री बादललाई फागुन २८ गते केन्द्रीय सदस्यमा मनोनयन गरेका थिए । सर्वोच्चको फैसलापछि एमाले पार्टीमा लागेका नेतालाई स्पष्टीकरण सोध्दै माओवादीले कारवाही थालेको थियो ।

माओवादी केन्द्रले दल त्यागसम्बन्धी ऐन २०७३ को दफा ३१ र ३२ बमोजिम स्पष्टीकरण माग्दै पार्टी हितविपरीत काम नगर्न दिएको निर्देशन अस्वीकार गरेको भन्दै कारवाही थालेको छ । यस कारवाहीसँगै बादलको सांसद पदसँगै गृहमन्त्री पद समेत गुम्ने भएको छ । 

यसअघि माओवादीले दल त्याग गरेर एमालेमा प्रवेश गरेका कैलाली–४ का लेखराज भट्ट, अर्घाखाँचीका टोपबहादुर रायमाझी, रौतहट–३ का प्रभू साह र कैलाली–३ का गौरीशंकर चौधरीको सांसद पद खारेज गरिसकेको छ । यी नेताहरूलाई संविधानको धारा ७८ अनुसार प्रधानमन्त्री ओलीले मन्त्री पदमा पुनः नियुक्ति गरिसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध