काठमाडौं – कोरोना भाइरस (कोभिड–१९) संक्रमण देखिएर नर्भिक इन्टरनेसनल अस्पतालमा उपचाररत पूर्वराजा ज्ञानेन्द्र शाहलाई अक्सिजनमा राखिएको छ ।

उनीसँगै अस्पताल भर्ना भएकी पूर्वरानी कोमल शाहलाई समेत अक्सिजनको सपोर्टमा राखेर उपचार भइरहेको अस्पतालले जानकारी दिएको छ ।

अस्पतालले मंगलबार प्रेस विज्ञप्ति जारी गरेर श्वासप्रश्वासको समस्या जटिल नबनोस् भनेर अक्सिजनको सपोर्टमा राखिएको जानकारी दिएको छ ।

पूर्व राजारानी बैशाख ११ गते शनिबार दिउँसो १ बजे नर्भिक अस्पताल भर्ना भएका थिए । भारतको हरिद्वारमा तीर्थयात्रा गरेर फर्किएपछि उनीमा संक्रमण पुष्टि भएको थियो ।

‘कोरोनाबाट संक्रमितहरूमा हुनसक्ने श्वासप्रश्वासको समस्या जटिल नबनोस् भन्ने हेतूले पूर्व राजा र रानीलाई अक्सिजनको सपोर्टमा उपचार जारी राखिएको हो,’ अस्पतालले भनेको छ ।

अस्पताल भर्ना भएकी पूर्वराजकुमारी प्रेरणा शाहलाई भने अक्सिजनको सपोर्ट दिनु नपरेको अस्पतालले जानकारी दिएको छ ।

अस्पतालले भनेको छ, ‘उहाँहरू तीनै जनाको अवस्था सामान्य र स्थिर रहेको उपचारमा संलग्न चिकित्सकहरुले बताउनुभएको छ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भर्खरै बढे २४ कोरोना संक्रमित, नेपालमा भयावह हुने देखिँदै

बिहानै थप २ जनामा कोरोना पुष्टि, जम्मा संक्रमित २४५ जना

काठमाडौंमा दिनदिनै बढ्दै कोरोना संक्रमित, उपत्यकामा बढ्यो जोखिम !

कोरोना माहामारी : यी जिल्लामा निषेधाज्ञा, ठाउँ–ठाउँमा सिल ! [ नालीबेलीसहित ]

कोरोनाका कारण उत्तर प्रदेशका मन्त्री चौहानको निधन

सोमबार बिहानै थपिए मेयर सहित कोरोनाका ३३ संक्रमित, अवस्था भयावह