काठमाडौं – नयाँ वर्षमा मनाइने ऐतिहासिक एवं सांस्कृतिक महत्त्व बोकेको बिस्काः अर्थात् बिस्केट जात्राको अवसरमा भक्तपुरको मध्यपुरथिमि नगरपालिकाले ४ दिन सार्वजनिक बिदा दिएको छ । 

बिस्केट जात्रा स्थानीयले आज मंगलबारदेखि भव्यरुपमा मनाउने भएपछि नगरपालिकाले पहिलोपटक ४ दिन सार्वजनिक बिदा दिने निर्णय गरेको छ । 

नगरपालिकाले विगतका वर्षमा बैशाख १ गते नयाँ वर्षको अवसरमा मात्रै बिदा दिँदै आएपनि गत वर्ष १ र २ गते सार्वजनिक बिदा गरेको थियो । नगरपालिकाले यस वर्ष चैत ३१ गतेदेखि बैशाख ३ गतेसम्म सार्वजनिक बिदा दिने निर्णय गरेको नगर प्रमुख (मेयर) मदनसुन्दर श्रेष्ठले बताएका छन् ।

मेयर श्रेष्ठले भने, ‘हरेक नयाँ वर्षमा मध्यपुरथिमिमा भव्य रुपमा बिस्केट जात्रा मनाइन्छ, यहाँका स्थानीय वासिन्दाका लागि यो ठूलो चाडपर्व हो, यहाँ बैशाख २ गते ३२ खट जात्रा भव्य रुपमा सिन्दुर खेलेर मनाइन्छ, बोडेमा जिब्रो छेडेर ऐतिहासिक जात्रा मनाइन्छ, बिदाको अभावमा स्थानीयले आफ्नै चाड पनि राम्रोसँग मनाउन नसक्ने अवस्था रहेकाले यस वर्षदेखि नगरपालिकाले ४ दिन सार्वजनिक बिदा दिने निर्णय गरेको छ ।’

बिस्केट जात्रालाई भक्तपुर जिल्लाभर नेवार समुदायले दशैंभन्दा ठूलो चाडका रुपमा मनाउने गरेका छन् । मठमन्दिरमा बलि पूजा गर्ने, विदेशमा रहेका आफन्त पनि बिस्केटलाई घर आउने र बिस्केट जात्रामा सबै नातेदार, आफन्तलाई बोलाएर भोज खुवाएर ९ दिन ८ रातसम्म भव्य रुपमा मनाउने गरिएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अब नेपालमै पनि हप्तामा दुई दिन सरकारी बिदा !

भोलि सार्वजनिक बिदा दिने निर्णय (सूचनासहित)

आज सार्वजनिक बिदा

पुस २९ गते सार्वजनिक बिदा दिने निर्णय

आज शहीद दिवसको सार्वजनिक बिदा दिने निर्णय

ल्होसारको अवसरमा माघ २८, २९ र ३० गते सार्वजनिक बिदा