काठमाडौं – प्रधानमन्त्री केपी शर्मा ओली र सभामुख अग्निप्रसाद सापकोटाबीच आईतबार दिउँसो लामो समयपछि भेटघाट भएको छ ।

सभामुख सापकोटा नेकपा माओवादी केन्द्र अध्यक्ष पुष्पकमल दाहाल ‘प्रचण्ड’को इशारामा चलेको आरोप लगाउँदै ओलीले विरोध गर्दै आएका थिए ।

सापकोटा र ओलीबीचको भेटपछि संसदमा केही समययता देखिएको गतिरोध अन्त्य हुने भएको छ । ३ हप्तायता भएका प्रतिनिधिसभा बैठकले बिजनेश अगाडि बढाउन नसक्ने र नयाँ बिजनेश पनि नपाउने अवस्था सामना गरिरहेको बेला प्रधानमन्त्री ओली र सभामुख सापकोटाबीचको भेट भएको छ ।

आईतबार प्रधानमन्त्री निवास बालुवाटारमा बिहान ११ बजेदेखि दिउँसो १ बजेसम्म भएको ‘वान टु वान’ भेटमा संसदलाई प्रभावकारी बनाउने विषयमा छलफल भएको प्रधानमन्त्री ओलीका प्रेस सल्लाहाकार सूर्य थापाले बताएका छन् ।

‘संसदमा बिजनेश नभएको होइन, सरकारले बिजनेश नदिएको पनि होइन । तथापि संसदलाई गति दिने विषयमा समस्या थिए । ती विषयमै उहाँहरूबीच कुरा भएको छ,’ उनले भने ।

सभामुख सापकोटाका सञ्चारविज्ञ श्रीधर न्यौपानेले प्रधानमन्त्री र सभामुखबीच संसदमा विचाराधीन विधेयकहरूलाई अघि बढाउने र संसद सञ्चालनको समग्र विषयमा छलफल भएको बताएका छन् ।

‘उहाँहरूबीच संसदलाई प्रभावकारी रूपमा सञ्चालन गर्ने, जरुरी र महत्त्वपूर्ण विधेयकहरू अगाडि बढाउने विषयमा छलफल भएको छ,’ उनले भने ।

संसद सचिवालयका अनुसार प्रतिनिधि सभामा हाल ३६ वटा विधेयक विचाराधीन रहेका छन् । केही जरुरी सार्वजनिक महत्त्वका प्रस्ताव समेत छन् । तर प्रतिनिधि सभाको हिउँदे अधिवेशन सुरू भएको एक महिना हुनलाग्दा समेत कानून निर्माण प्रक्रियामा संसद प्रवेश गर्न सकिरहेको छैन ।

सभामुख सापकोटाको सचिवालयका अनुसार प्रधानमन्त्री ओली र सापकोटाबीच गएको भदौ दोस्रो हप्तायता औपचारिक भेट हुन सकेको थिएन ।

पुस ५ गतेमा प्रधानमन्त्री ओलीको सिफारिसमा राष्ट्रपतिले प्रतिनिधिसभा विघटन गरेपछि ओली र सापकोटाबीच पछिल्लो पटक  दूरी बढेको थियो । सापकोटाले विज्ञप्ति निकालेर संसद विघटन गर्ने प्रधानमन्त्रीको कदमको खुलेरै विरोध गरेका थिए । सर्वोच्च अदालतमा समेत सभामुखका कानून व्यवसायीले ओलीको कदमको विपक्षमा बहस गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?