काराक -  खैबर पख्तूनख्वाको (केपी) कारक जिल्लामा पोलियो खोप  र स्वास्थ्यकर्मीहरूको टोलीलाई इस्कर्टिङ गरे लैजाँदै गरेको एक प्रहरीलाई 'अज्ञात बन्दुकधारीले' गोली हानी हत्या गरेको छ । 

ती प्रहरी अधिकारीले पोलियोका स्वास्थयकर्मीहरुको टोलीलाई सुरक्षा प्रदान गरिरहेका थिए । प्रहरीको गोली लागि हत्या गरिए पनि स्वास्थ्यकर्मी भने सुरक्षित रहेको पाकिस्तानी सञ्‍चारमाध्यम डनले जनाएको छ । 

काराकका जिल्लाका प्रहरी अधिकारी (डीपीओ) इरफान उल्लाहले घटनाको पुष्टि गर्दै अपराधीलाई पक्रिन इलाकामा खोजी अभियान सुरु गरिएको बताएका छन् । उनले पोलियो खोप अभियान सोमबारदेखि देशर सुरु भएको बताएका छन् । पोलियो अभियान सुरु भए पनि स्वास्थ्यकर्मी र प्रहरीमाथिको आक्रमण हुने क्रम भने पछिल्लो समय पनि नरोकिएको उनले बताएका छन् । 

केपी प्रहरी महानिरीक्षक सनाउल्ला अब्बासीले पनि घटनाको विवरण लिँदै प्रहरी अधिकारीको हत्यारालाई छिट्टै पक्राउ गरिने प्रतिबद्धता व्यक्त गरे । उनले पोलियो खोप अभियानमा काम गरिरहेका स्वास्थ्यकर्मीहरुलाई सुरक्षा प्रदान गरिएको बताए । उनले थपे, "प्रहरी अधिकारीको हत्यापछि सुरक्षा सतर्कता बढाइएको छ ।"

पाकिस्तानमा सोमबारदेखि पाँच दिने पोलियो खोप अभियान सुरु भएको हो । यसअन्तर्गत सरकारले देशभर ५ बर्ष भन्दा कम उमेरका ४० करोड बच्चाहरूलाई खोप दिने योजना बनाएको छ ।

पाकिस्तान र अफगानिस्तान विश्वका दुई देशहरू हुन् जहाँ पोलियो निर्मुल हुन सकेको छैन । गत वर्ष नाइजेरियालाई पोलियो भाइरसबाट मुक्त घोषणा गरिएको थियो ।

पाकिस्तानमा पोलियो उन्मूलन अभियान पाकिस्तान सरकारको लागि चुनौती नै बनेको छ किनकि आतंककारीहरूले स्वास्थ्य सेवाकर्मीहरू र उनीहरूसँग आएका सुरक्षाकर्मीहरूलाई आक्रमण गरिरहेका छन् । आतंकवादीहरूले पोलियो खोप लगाउने कुरालाई पश्चिमी षडयन्त्र ठान्छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाकिस्तानको भवलपुरमा हिन्दुका घरहरु भत्काइयो

पाकिस्तानको सिन्धमा ३८५ बालबालिकामाथि दुर्व्यवहारका घटना दर्ता

शिख समुदायलाई मुस्लिम धर्मगुरुको धम्की, गुरुद्वाराको जग्जा कब्जा गर्ने लक्ष्य

चमन प्रान्तमा अफगानी र पाकिस्तानी सेनाका बीच भिडन्त

चमन प्रान्तमा अफगानी र पाकिस्तानी सेनाबीच भिडन्त

पाकिस्तानी राज्यातंकविरुद्ध सिन्धमा प्रदर्शन, र्‍यालीमा सहभागी नै अपहरण