काठमाडौं – राष्ट्रपति विद्यादेवी भण्डारीले आगामी बैशाख १७ र २७ गतेका लागि तोकिएको निर्वाचनलाई निष्पक्ष, भयरहित, विश्वसनीय रुपमा सम्पन्न गर्नका लागि गम्भीरतापूर्वक काम गर्न निर्वाचन आयोगलाई आग्रह गरेकी छन् ।

आयोगको आर्थिक वर्ष २०७६/७७ को वार्षिक प्रतिवेदन बुझ्दै राष्ट्रपति भण्डारीले आयोग पदाधिकारीसँग शान्ति, स्थिरता र विकासका लागि ताजा जनादेश अनिवार्य भएकाले तोकिएको समयमै प्रतिनिधि सभाको निर्वाचन गर्न जरुरी भएको बताइन् ।

‘शान्ति, स्थिरता र विकासका लागि ताजा जनादेश अनिवार्य छ,’ भण्डारीले भनिन्, ‘प्रतिनिधिसभा निर्वाचनका लागि आयोगबाट भएको तयारी सकारात्मक छ, निर्वाचनका लागि गम्भीरता र दृढतापूर्वक कार्य गर्न आयोग सक्षम हुने विश्वास छ ।’

राष्ट्रपति भण्डारीले संवैधानिक व्यवस्था बमोजिम निर्वाचनको माध्यमबाट लोकतन्त्रलाई संस्थागत र सुदृढीकरण गर्ने काम आयोगको भएकाले बढीभन्दा बढी मतदाताको सहभागिता गराउनेतर्फ कार्य गर्न आयोगलाई सुझाव दिइन् । 

राष्ट्रपति भण्डारीले सबै मतदाताको मताधिकार सुनिश्चित गर्न तथा मतदानस्थल तथा केन्द्रहरु मतदातामैत्री बनाउन आयोगको ध्यानाकर्षण गराएकी छन् ।

आयोगले बुझाएको प्रतिवेदनमा आयोगले सम्पन्न गरेका कार्य, योजना अनुगमन, समावेशीकरण तथा वैदेशिक सम्बन्ध, मतदाता नामावली तथा निर्वाचन सञ्चालन, निर्वाचन शिक्षालगायत विविध विषय समेटिएका छन् । प्रतिवेदन पेश गर्दै प्रमुख निर्वाचन आयुक्त दिनेशकुमार थपलियाले आगामी प्रतिनिधिसभा सदस्य निर्वाचनका लागि मतदाता नामावली अद्यावधिक कार्यक्रम तथा मतदानस्थल, मतदान केन्द्र पुनरवलोकन कार्यक्रम आयोगबाट स्वीकृत भई दलहरूसँग परामर्श बैठक सम्पन्न भइसकेको बताएका छन् ।

थपलियाले निर्वाचनमा लैंगिक तथा समावेशी नीति, निर्वाचन व्यवस्थापनमा मानव संशाधन नीति, निर्वाचन सञ्चालन आर्थिक निर्देशिका, तालिम, स्थानीय तहका निर्वाचन सम्पर्क व्यक्ति तोक्ने लगायतका निर्वाचन सञ्चालन एवं व्यवस्थापनका कार्य योजनाबद्ध रूपमा अघि बढाइएको बताएका छन् ।

आयोगले आगामी बैशाखमा हुने प्रतिनिधिसभा निर्वाचनका लागि बजेट बनाउन शुरू गरेको छ । आयोग र अर्थ मन्त्रालयका सहसचिव सहितको ५ सदस्यीय टोली बनाएर आयोगले निर्वाचनको बजेटको तयारी गरिरहेको छ ।

प्रमुख निर्वाचन आयुक्त थपलियाले निर्वाचनका लागि आयोगलाई करीब ८ अर्ब रूपैयाँ लाग्ने अनुमान भए पनि बजेट बनाउने काम भइरहेको बताएका छन् ।

‘निर्वाचनलाई मीतव्ययी कसरी बनाउन सकिन्छ भनेर हामीले सोचिरहेका छौं, निर्वाचनमा नयाँ गाडी खरिद गरिँदैन, पुराना निर्वाचन सामग्री काम लाग्ने भए त्यसलाई पनि प्रयोगमा ल्याइन्छ,’ थपलियाले भने, ‘अब १–२ दिनमा निर्वाचनका लागि कति बजेट आवश्यक पर्छ भन्ने यकिन हुनेछ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपाको राजनीतिमा राष्ट्रपतिको हस्तक्षेप, विद्यासँग वामदेवको शीतलनिवासमा गोप्य भेट

चिनियाँ रक्षामन्त्रीसँगको भेटपछि राष्ट्र्पति भण्डारीबाट आयो यस्तो अभिव्यक्ति

प्रचण्डलाई भेटेपछि विद्या भण्डारी भेट्न शितलनिवास पुगे ईश्वर पोखरेल, के पाक्दैछ खिचडी ?

विद्या भण्डारीका घटिया हर्कतले गणतन्त्रकै बदनाम भएको कांग्रेसको ठहर

विद्यादेवी भण्डारीको मुखबाट ओलीको यस्तो कुरा सुनेपछि प्रचण्ड चकित

ओली सरकारको सिफारिसमा राष्ट्रपति विद्यादेवी भण्डारीबाट २ अध्यादेश जारी