काठमाडौं – राष्ट्रपति निर्वाचनको मतपरिणाम उल्टाउने ट्रम्पको प्रयासले अमिरिकामा हिंसा भड्किको छ ।

हिंसापछि गोली लागेर १ महिलाको मृत्यु भएको छ भने राजधानी वाशिङ्टन डिसीमा कर्फ्यू लगाइएको छ ।

वाशिङ्टनस्थित संसद भवन (क्यापिटल बिल्डिङ) अमेरिकी कांग्रेसमा इलेक्टोरल कलेजलाई लिएर बहस चलिरहेको थियो । यही बहसपछि राष्ट्रपतिमा निर्वाचित जो बाइडन विजयी भएको औपचारिक र कानूनी पुष्टि गर्ने कार्यक्रम थियो ।

यसैक्रममा हालका राष्ट्रपति डोनाल्ड ट्रम्पका सयौं समर्थकहरू भेला भएर प्रदर्शन सुरू गरे । प्रदर्शनकारी क्यापिटल बिल्डिङभित्रै प्रवेश गरेर अमेरिकी राष्ट्रपति चुनाव रद्ध गर्न माग गर्न थालेपछि हिंसा सुरू भएको थियो ।

प्रदर्शनकारीलाई रोक्ने प्रयासमा नेसनल गार्डस् एक्सनमा उत्रिएपछि क्यापिटल बिल्डिङमा प्रदर्शन गर्ने १ महिलालाई गोली लागेर अस्पतालमा मृत्यु भएको छ ।

करीब तीन घण्टाको तोडफोड र हिंसात्मक प्रदर्शनपछि अहिले स्थिति नियन्त्रणमा रहेको अमेरिकी अधिकारीहरूले जनाएका छन् ।

अमेरिकामा भएको हिंसात्मक घटनाको चौतर्फी निन्दा भइरहेको छ । चुनावमा धाँधली भएको भन्दै ट्रम्पले बिना प्रमाण आफ्ना समर्थकलाई उक्साएको कारण हिंसा फैलिएकाले अमेरिकी लोकतन्त्र विश्वसामु लज्जित बनेको टिप्पणी गरिँदैछ ।

हिंसाबीच राष्ट्रपतिमा निर्वाचिन बाइडनले ट्रम्पसँग हिंसालाई अन्त्य गर्न र संविधानको रक्षा गर्न अपिल समेत गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

के अमेरिकासँग चीन डराएकै हो? किन दिइयो अमेरिकी विमान माथि पहिलो आक्रमण नगर्न निर्देशन? 

प्रहरीको गोली लागेर एकको मृत्यु

४ दिनपछि अमेरिकामा टिकटमाथि प्रतिबन्ध हुने

आइतबारदेखि टिकटक र विच्याट डाउनलोड बन्द

राष्ट्रसंघमा चिनियाँ राष्ट्रपतिले गरे अमेरिकासँग युद्धको संकेत, विश्वलाई अर्काे झड्का लाग्नसक्ने

अमेरिका जाने विद्यार्थीलाई अब मात्रै २ वर्षको भिसा, कारण यस्तो छ