काठमाडौं – कृषि कानूनविरुद्ध आन्दोलनरत किसानहरूले आगामी डिसेम्बर ८ तारिखका दिन भारतमा देशभर बन्द घोषणा गरेका छन् ।

राजधानी नयाँदिल्लीमा भेला भएर प्रदर्शन गर्दा समेत माग पूरा नभएपछि किसानहरूले बन्द आह्वान गरेका हुन् । 

भारत सरकारसँग मागबारे वार्ता भएपनि सहमति हुन सकेको छैन । भोलि शनिबार फेरि वार्ता हुने तय भएको छ । तर सरकारमाथि दबाब बढाउन आन्दोलनरत किसानले आजै आन्दोलन घोषणा गरेका छन् ।

आन्दोलनका कार्यक्रम अन्तर्गत भोलि शनिवार देशभर प्रधानमन्त्री नरेन्द्र मोदीको पुत्ला जलाउने कार्यक्रम रहेको भारतीय सञ्चारमाध्यमले जनाएका छन् । 

कृषि कानून फिर्ता लिन माग गर्दै आन्दोलन भइरहेको भारतीय किसान युनियनका महासचिव एचएस लखोवालले जानकारी दिए । यतिबेला भारतमा किसानहरूले ठूलो आन्दोलन गरिरहेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।