काठमाडौं - प्रधानमन्त्री केपी ओलीका तीन सल्लाहकारले अरुलाई देखाउने नाममा राज्यकोषको ढुकुटी रित्याएका छन् । सत्ताको दुरुपयोग गर्दै १४ दिन नै होम आइसोलेसनमा नबसी उनीहरूले एक सातामै कोरोनाको पिसिआर परीक्षण गराएको पाइएको छ ।

स्वास्थ्य मन्त्रालयले कोरोना भाइरस संक्रमितलाई लक्षण नदेखिए दुई साता घरमै बस्न र थप परीक्षण नगर्न भनेको छ । तर कतिपय संक्रमितले भने शक्तिको दुरुपयोग गर्दै सरकारी स्रोत साधन खर्चेर आफूखुसी परीक्षण गराउँदै आएका छन् ।

प्रधानमन्त्री ओलीका प्रमुख राजनीतिक सल्लाहकार विष्णु रिमाल, परराष्ट्र सल्लाहकार डा.राजन भट्टराई र प्रेस सल्लाहकार सूर्य थापाले स्वास्थ्य मन्त्रालयको मापदण्डविपरीत सरकारी प्रयोगाशालामा एक साता नै नभइ दोस्रो परीक्षण गराएका हुन् ।

असोज १७ मा देशभर २१ सय २० संक्रमित थपिँदा त्यसमा प्रधानमन्त्री ओलीका तीन सल्लाहकार पनि परेका थिए । संक्रमित भएको सार्वजनिकपछि उनीहरु आ आफ्नै निवासमा बसे ।

उनीहरुमा लक्षण थिएन । आइसोलेसनमा बसेको १४ दिनसम्म लक्षण नदेखिए दोहोर्याएर परीक्षण नगर्ने र स्वतः कोरोनामुक्त भएको घोषणा गर्ने स्वास्थ्य मन्त्रालयको निर्देशिका छ ।

आमनागरिकका लागि बनाइएको यो नियम प्रधानमन्त्रीका तीन सल्लाहकारका लागि भने लागू भएन । उनीहरूले शक्तिको प्रयोग गरी निर्देशिका उल्लंघन गर्दै संक्रमण पुष्टि भएको एक साता नहुँदै सरकारी प्रयोगशालामा पुनः परीक्षण गराएर बिहीबार राति आफू संक्रमणमुक्त भएको सार्वजनिक गरे ।

प्रधानमन्त्रीका तीन सल्लाहकारले एक त १४ दिनसम्म आइसोलेसनमा बस्ने धैर्यता देखाएनन् । अर्को परीक्षणका नाममा सरकारी स्रोतसाधन दुरुपयोग गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नारायणकाजी श्रेष्ठ माथि विष्णु रिमालको फायर, दिए यस्तो चेतावनी

 भारतको जासुसी गर्न प्रधानमन्त्रीका सल्लाहकार भट्टराईलाई चिनियाँ दूतावासको लगानी 

चिनियाँसँग चुनाव खर्च बुझेका भट्टराईको बचाउ गर्दै रिमालले भने– पानी अनलाइनमा फेक न्यूज आए

भट्टराई र थापाबीच सामाजिक सञ्जालमै भनाभन, एकअर्का माथि लगाए यस्तो आरोप !  

बालुवाटारमा वरिष्ठ सल्लाहकारको इन्ट्रीसँगै राजन भट्टराई र सूर्य थापाको निदहराम

नारायणकाजी र सूर्य थापाबीच ट्वीटरमा 'वार'- श्रेष्ठमाथि थापाकाे गम्भीर आरोप !