काठमाडौं - सत्तारुढ दल नेकपाकै मेयर र स्थानीय नेता कार्यकर्ताले जग्गामा चलखेल गर्ने उद्देश्यले विद्यालय स्थानान्तरण गरेको भन्दै  अख्तियार दुरुपयोग अनुसन्धान आयोगमा उजुरी दर्ता भएको छ ।

कागेश्वरी मनोहरा नगरपालिका वडा नं ८ मा रहेको श्री बाल राष्ट्रिय आधारभुत विद्यालय भूमाफियाको डिजाइनमा वडा नं ९ मा सारिएको भन्दै स्थानीयले अख्तियारमा उजुरी दर्ता गराएका हुन् । केही दिनअघि दर्ता भएको उजुरी नम्बर सि ८८७७ रहेको छ । 

अख्तियारमा दायर उजुरीमा कागेश्वरी मनोहरा नगरपालिकाका मेयर कृष्णहरी थापा, वडा नं ८ का वडा अध्यक्ष, वडा नं ९ का अध्यक्ष, नगरपालिका शिक्षा समितिका प्रमुख विद्यालय व्यवस्थापन र सन्चालक समिति, श्रीमद भागवत प्रचार प्रसार समितिद्दारा सन्चालित बाल आश्रमका अध्यक्ष रामप्रसाद उपाध्याय र वडा ८ मा बस्ने केशव केसी अनियमित कार्यमा संलग्न भएको भन्दै कारवाही माग गरिएको छ । 

के हो घटना ? 

कागेश्वरी मनोहरा नगरपालिका वडा नं ८ मा रहेको श्री बाल राष्ट्रिय आधारभुत विद्यालय करिब ५० वर्ष पुरानो विद्यालय हो । पञ्चायतको समयमा पंचायत साक्षी राखेर धर्मबहादुर केसीले करिब १२ आना जग्गा विद्यालयका लागि दान गरेका थिए ।

गोठाटारका स्थानीयले श्रमदान गरेर सोही जग्गामा विद्यालय बनाएका थिए । विद्यालय स्तरोन्नतीका लागि विद्यालय सार्ने कुरा हुँदै आएपनि स्थानीयहरुले इतिहास बोकेको विद्यालय सार्न नहुने सुझाव राख्दै आएका थिए । 

तर, स्थानीयले नै थाहै नपाई नगरपालिकाले विद्यालय सार्ने निर्णय गरेको अख्तियारमा दायर उजुरीमा उल्लेख छ । कागेश्वरी वडा नं ९ मा रहेको बाल आश्रमको भवनमा विद्यालय सार्ने नगरपालिकाले निर्णय गरेको छ । जुन भवन श्रीमद् भागवत लगाएर उठेको सहयोगले वडा नं ९ का स्थानीयले बनाएका थिए ।  

पहिला दान दिएको जग्गाका कारण केसी परिवारको जग्गका लागि बाटो रोकिएपछि स्थानीयहरु बसेर सो जग्गासम्म जानका लागि बाटो समेत उपलब्ध गराइएको थियो ।  बाटोको समस्या समेत हल भइसकेपछि विद्यालय सार्नुपर्ने विषय सकिएको थियो । 

तर, एक दशक अगाडी नै साविकको गोठाटार गाविसले श्रीमद भागवत प्रचार प्रसार समितिलाई बाल आश्रम सञ्चालनका लागि दिएको जग्गामा विद्यालय सारिएपछि स्थानीयहरु आश्चर्यमा परेका छन् । त्यतिबेला वडा कार्यालयले कानुनविपरित कागज गरेरै  सो सार्वजनिक जग्गा दिएको थियो ।

स्थानीयले नै सहयोग गरेर बाल आश्रमका लागि भवन बनाइदिएका थिए । सोही भवनमा यसरी विद्यालय सार्ने काममा ठुलो आर्थीक अनियमितता भएको भन्दै छानविन गर्न स्थानीयहरुले माग गरेका छन् ।

अख्तियारमा दायर उजुरीमा समेत केसी परिवारले बाल आश्रम सन्चालकलाई ६० लाख र विद्यालय व्यवस्थापन समितिलाई ४० लाख दिई विद्यालय सारेको भन्दै छानविनको माग गरिएको छ ।

विद्यालय सार्ने र स्तरोन्नती गर्ने कुरा ठिक भएपनि सो कार्यका लागि गलत स्वार्थ राखेर आर्थीक अनियमितता भएको र दानमा दिएको जग्गा फिर्ता लिएको कुरमा गम्भीर ध्यानाकर्षण भएको निवेदनमा उल्लेख छ । 

पहिला जग्गा दान गर्दा जग्गाको खासै मुल्य नभएको र अहिले मुल्य बढेकाले सो लोभबाट विद्यालय सार्ने काम भएको स्थानीयहरुको जिकिर छ ।

भुमाफियाहरुको डिजाइनमा मेयसमेत संलग्न भएको र विद्यालय सार्नका लागि अनुमति दिएको भन्दै सो कार्यमा ठुलो आर्थीक अनियमितता र भ्रष्टाचार भएको स्थानीयको आशंका छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !