स्वतन्त्रता गुमाएर ओलीसँग सहमति, प्रचण्डकाे रहर कि बाध्यता ?
स्वतन्त्रता गुमाएर ओलीसँग सहमति, प्रचण्डकाे रहर कि बाध्यता ?
काठमाडौं- नेकपाका अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच बुधबार बालुवाटारमा छलफल भएको छ । करिब दुई घण्टा लामो छलफलमा दुई अध्यक्षबीच पार्टीको जिम्मेवारी बाँडफाँड एवं २६ गते बस्ने स्थायी कमिटि बैठकको एजेण्डाका विषयमा समेत सहमती भएको छ ।
पार्टीमा आफ्नो स्थानका विषयमा कार्यकारी अध्यक्ष प्रचण्ड, पछिल्ला समय ओलीसँग असन्तुष्ट रहिआएका थिए । तर, कार्यदल नै गठन गरेर दुई अध्यक्षबीच लगभग सहमतिको वातावरण सिर्जना भइसकेको छ ।
बुधबारको छलफलमा ओली र प्रचण्डको पार्टीमा रहने भुमिका समेत छुट्टिइसकेको छ । अब, प्रधानमन्त्री ओली सरकारको काममा मात्रै केन्द्रित हुनेछन्। यस्तै कार्यकारी अध्यक्ष प्रचण्ड भने पार्टी सञ्चालनमा केन्द्रित हुनेछन्।
स्रोतका अनुसार दुवै अध्यक्ष आजको यो निर्णयमा सहमत रहेका छन् । तर, ओलीले पार्टी सञ्चालनका विषयमा प्रचण्डलाई स्वोतन्त्र भने छोडेका छैनन् । बालुवाटार स्रोतका अनुसार दुई अध्यक्षबीचको सहमतिमा पार्टी सञ्चालनमा महासचिव विष्णु पौडेललाई पनि भूमिका दिइएको छ।
अर्थात पार्टी सञ्चालनका विषयमा प्रचण्डले विष्णु पौडेलसँग परामर्श लिनुपर्ने भएको छ । ओलीका निकै निकट एवं प्रिय मानिने महासचिव पौडेल पार्टी सञ्चालनका लागि प्रचण्डको स्वोतन्त्रताका बाधकका रुपमा देखिएका छन् ।
यसबाट ओलीले पार्टी सञ्चालनको भुमिकामा समेत अप्रत्यक्ष रुपमा रोल प्ले गर्न सक्ने बाटो राखेर सहमति भएको स्रोतको दाबी छ । प्रचण्डले ओलीसँगको सहमति र महासचिवसँगको परामर्शमा सचिवालय, स्थायी कमिटी, पोलिटब्युरो तथा केन्द्रीय कमिटी बैठकका कार्यसूची तयार गरी सम्बन्धित कमिटीको बैठकमा पेस गर्ने र तदनुरुप बैठक सञ्चालन गर्ने छन्।
यसबाट प्रचण्ड पार्टीको आधा जिम्मेवारीमा समेत पूर्णरुपमा स्वतन्त्र नभएरै सहमतिमा पुगेको देखिन्छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४