काठमाडौं– अर्थमन्त्री डा. युवराज खतिवडा अबको १० दिनेपछि स्वतः पदमुक्त हुनेछन्। सांसद नभएको व्यक्ति छ महिनाभन्दा बढी मन्त्री बन्न संविधानले दिदैन । अबको दश दिनभित्र राष्ट्रियसभाबाट सरकारको सिफारिशमा राष्ट्रपतिबाट मनोनित सांसद बन्न नसके उनको पद स्वतः जानेछ। 

खतिवडाले सञ्चार मन्त्रालयको समेत जिम्मेवारी पाएर सरकारका प्रवक्ता समेत छन् । अढाई वर्ष सरकारमा रहेका पूर्व गभर्नरलाई राष्ट्रियसभामा पुनः मनोनित गर्ने चर्चा पनि थियो । प्रधानमन्त्री ओली पनि उनलाई मनोनित गर्ने पक्षमा थिए । तर, नेकपा विवाद मिलाउने क्रममा अरुलाई नै मनोनित गर्नुपर्ने परिस्थित बनेको छ ।

खतिवडा सरकारबाट बिदाई हुने निश्चितप्रायः भएपछि नेकपाभित्र अर्थमन्त्री बन्ने दौडधुप चलेको छ । राष्ट्रियसभामा मनोनित सदस्य बनेर उपप्रधानमन्त्री सहित अर्थको जिम्मेवारीमा बामदेव गौतम आउने चर्चा पनि छ । गौतम प्रतिनिधिसभाको चुनाव हारेकाले संविधान अनुसार राष्ट्रियसभा सदस्य भएपनि मन्त्री बन्न नपाउने पनि हुनसक्छ । त्यसका लागि कानुनले कस्तो व्याख्या गरेको छ भन्नेबारे परामर्श थालिएको छ । गौतम भने सरकारमा गएर शक्ति सञ्चयको रणनीतिमा लागिसकेको बुझिएको छ । उनी पुनः शक्ति सञ्चय गरेर भविष्यमा नेकपा अध्यक्ष बन्ने महत्वाकांक्षाका साथ प्रस्तुत हुने तयारीमा छन् ।

अर्थमन्त्री भइसकेका सुरेन्द्र पाण्डे पनि सरकारमा जाने चर्चा छ । नेकपा विवाद समाधानका लागि मन्त्रीमण्डल पुर्नगठन हुँदा माधव नेपाल र झलनाथ खनाल दुवैले मन पराएका पाण्डेलाई अर्थमन्त्री बनाउनुपर्ने लबिङ भइरहेको छ । तर, प्रधानमन्त्री ओली निकट नभएकाले उनले उक्त मन्त्रालयले पाउने सम्भावना कमजोर छ ।

नेकपाभित्र अर्थमन्त्री बन्न पूर्व एमालेका केही नेताहरु पनि सक्रिय छन् । महासचिव विष्णु पौडेलको सम्भावना पनि रहेको छ । ओलीले सकेसम्म आफ्ना विश्वासपात्रलाई नै अर्थको जिम्मेवारी दिने सम्भावना बलियो छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

अर्थमन्त्री खतिवडाको पद फेरी धरापमा, अब जोगिन कठिन

अर्थमन्त्री खतिवडाको पद जाँदै, यस्तो छ कारण 

अर्थमन्त्री खतिवडाको पद जाँदै, को बन्दैछ नयाँ अर्थमन्त्री?

बामदेवले बाजी मारेपछि अर्थमन्त्री खतिवडाले राजिनामा दिँदै 

ओलीले विष्णु पौडेललाई अर्थमन्त्री बनाउँदै, बामदेवलाई के ?

तस्बिर आफै बोल्छ...