काठमाडौं- नेपाल विद्युत प्राधिकरण सबैभन्दा बढी नाफा कमाउने सार्वजनिक सार्वजनिक संस्थान बनेको छ । 

 ४ वर्ष अघिसम्म ८ अर्ब ८९ करोड घाटामा रहेको प्राधिकरण कुलमान घिसिङ कार्यकारी निर्देशक भएसँगै नाफा बढ्दै गएको हो । 

प्राधिकरणले गत आर्थिक वर्ष २०७६/७७ मा  ११ अर्ब  ४ करोड रुपैयाँ खुद नाफा कमाएको छ ।

३५ औं वार्षिकोत्सवमा बोल्दै निर्देशक घिसिङले  २०७२/७३ मा प्राधिकरण ३४ अर्ब ६१ करोड रुपैयाँ संचित घाटामा रहेको बताएका छन् ।

 त्यस्तै चार वर्ष अघिको तुलनामा विद्युतको पहुच २३ प्रतिशतले बढेको छ। प्रतिव्यक्ति वार्षिक विद्युत खपत ४ वर्षअघि १ सय ३१ युनिट रहेकोमा अहिले २ सय ६० युनिट पुगको छ।

अन्तरदेशीय प्रसारण आर्थिक वर्ष २०७२/७३ सम्ममा नेपाल भारतबीच करिव ३ सय ५० मेगावाट विद्युत प्रवाह हुन सक्क्ने अन्तरदेशीय प्रसारण संरचना रहेकोमा अहिले प्रसारण क्षमता वृद्धि भई १५०० मेगावाट पुगेको छ। 

नेपाल र चीनबीच पनि रातमाटे रसुवागढी केरुङ ४०० केभी प्रसारण लाइन निर्माणको लागि प्राधिकरण र स्टेट ग्रीड चाइनाबीच समझदारी पत्रमा हस्ताक्षर भइ नेपालतिरको लाइनको संभाव्यता अध्ययन पुरा भएको उनले जानकारी दिए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।